مخ وأعصاب صداع قوي متركز خلف الرأس لدرجة الغثيان و القئ

  • الأجوبة: 1
H

hazard312

زائر
  • رقم الاستشارة الطبية: 17905
انا اعاني من صداع لاكثر من 4 شهور مصحوب بتغير في الرؤية صباحا ان لما بصحي بلاقي نفسي شايف بالعين اليمين اكتر من اللي المفروض اشوف بيه و بالتالي بالنظارة ببقي حاسس ان ده مش مقاس عيني و مش شايف بيها كويس مصحوب بالم في الجمب الايمن من الرأس بجوار العين و بعديها بساعتين بشوف عادي بالنضارة اكن مفيش اي حاجة.

ذهبت ل 3 دكاترة انف واذن و 2 عيون ولواحد مخ و اعصاب و عملت اشعة مقطعية علي الجيوب الانفية " كان فيها حاجات بس اجمعوا اني مولود بيها و مش هي السبب في الصداع ولا موضوع النظر.

عملت قاع عين و مجال ابصار و حث عصب بصري و الحمد الله لا يوجد فيه اي مشاكل

عملت رنين علي المخ و رسم مخ و صورة دم كاملة ووظائف كبد و كلي و كلهم الحمد الله مكنش فيهم حاجة بس للاسف الصداع مش بيروح و تقريبا موجود بشكل يومي و لم ارتاح علي نظام علاجي لاي دكتور وعايش علي المسكنات اللي ساعات بتجيب و ساعات لأ و ساعات الصداع بيكون قوي جدا لدرجة الغثيان و القئ

الصداع مكانه غير ثابت، أخياناً يكون فوق العينين و فوق الانف مع جنبين الدماغ و ساعات بيكون في الجزء الخلفي من الرأس و ساعات بيكون في الجزء العلوي من الرأس و لكن حاليا هو متركز اكتر في الجزء الخلفي من الرأس و كل الدكاترة بيجمعوا ان مفيش اي حاجة عضوية

فهل الصداع ده ممكن يبقي سببه تخصص تاني غير اللي روحتلهم او في حاجة اقدر اعملها غير المسكنات لاني تعبت بصراحة و الموضوع مأثر عليا نفسيا و ذهنيا و بدنيا
 

الجنس
ذكر
الحالة الاجتماعية
غير متزوج
العمر
23
الطول
180
الوزن
65
أمراض مزمنة
لا
أدوية مستخدمة
حساسية جيوب انفية و مسكنات
تشخيص الطبيب
لايوجد شئ عضوي

Dr. Gihan Anwar

استشاري باطنة عامة وأمراض روماتيزم ومناعة
الصداع كما وصفته قد تكون اسبابه
الجيوب الانفيه التهاب او تحسس وقد تم استبعادها كسبب رئيسي بالكشف والاشعه
او داء الشقيقه وقد تم استبعاده لان الالم متغير اخيانا تصفي واخيانا خلف الرأس
او بسبب ارتفاع ضغط المخ وقد تم استبعاده بعمل كشف للعصب البصري وكشف قاع عين
او بسبب امراض او اورام المخ وتم استبعادها بالرنين المغناطيسي
اصبح السبب الوحيد والذي يتم تشخيصه عن طريق استبعاد باقي الاسباب هو الصداع التفسي التوتري وهو عرض عضوي لاسباب وضغوط نفسيه وتحتاج لاستشارة طبيب نفسي ويتم علاجه بعيادات متخصصه تسمى عيادة الالم