استشارة طبية رقم 39148
زائر
انا عايشة بره مصر و ده عكس ما متوقع و عكس مافيه كتير بيتمنى يكون مكانى انا متمنتهوش و حقيقى كرهت حياتى كلها مش عايزة اعيش هنا. انا عايشة مع بابا و ماما و اخواتى بس انا محتاجة اهلى و صاحبة عمرى الوحيدة. اتعرضت لكتير ضغوطات، تنمر و عنف من أهلى و من المدرسة و انا صغيرة لحد من كام سنة فاتو، ده مع الوقت خلانى أفقد الثقة فنفسى و أن يكون ماعنديش علاقات اجتماعية. انا فقدت الشغف فكل حاجة، مستوايا الدراسى ضعف جدا بشكل ملحوظ لدرجة انى عدت السنة و ده كمان عامل مأثر عليا جامد دلوقتى. ده غير انى اتخدعت فأتنين كنت فاكرة انهم فعلا صحابى بس للاسف باعونى. انا تعبت من الحياة كلها، كل اللى حواليا بيقولولى أنى لازم اعافر و اغصب على نفسى بس انا مش قادرة أعمل ده حاولت كتير و ماعرفتش مع العلم انى كنت شخصية ايجابية جدا و مش بتستسلم بسهولة بس للاسف انا الفترة دى يمكن من شهور فاقدة الشغف فكل شيء و بفكر كتير فالانتحار بس ولا مرة حاولت اعمل كده لانى عارفة و متأكدة كويس جدا مصيرى هايكون فين وقتها. انا مش عارفة اعمل ايه عملت اختبارات اونلاين و كلها بتقول انى لازم استشير طبيب نفسي، عملت كده فعلا بس عن طريق أخصائية المدرسة لانى مش عايزة اعرف أهلى بحاجة زى دى عشان مايتخلقش حوار انا مش عايزاه، بس الطبيبة دى روحتلها ٣ مرات، قالتلى انى محتاجة متابعة مستمرة بس هى مش هاتقدر تعمل ده لان مواعيدها ماليانة و من ساعتها مش عارفة اوصلها و محتارة اعمل ايه، انا شبابى بيضيع و انا واقفة اتفرج عليه
بيانات الاستشارة
- الجنس
- أنثى
- الحالة الاجتماعية
- غير متزوج
- العمر
- 20
- الطول
- 155
- الوزن
- 57
- طبيعة العمل
- طالبة
- الحالة النفسية
- سيئة
