وجع فى المعدة وحرقان الصدر وضيق تنفس وتجشؤ

  • الأجوبة: 2
  • رقم الاستشارة الطبية: 15645
من شهر مارس وانا اعاني من وجع فى معدتى كل المعدة ووجع فى الصدر زى حرقان او نغز وناحية قلبى وظهري فى المنتصف زى الشرقة بحس انى محتاجة حد يخبطنى فى ظهرى وضيق تنفس اوقات بحس ان نفسى لما اخده كامل بيخرج من مكان الوجع فى صدرى ناحية قلبى ووجع فى الحلق اوقات بيكون فى تجشؤ بيكون مصاحب لعصارة الطعام.

عملت اشعة صدر ورسم قلب وتحاليل غدة وكل التحاليل واشعة ايكو من اول الحلق لحد اخر البطن وعملت منظارين معده وقولون كلهم الحمدالله مفيش مشكلة.

الدكتور شخصني قولون عصبي واخدت أدوية بس حاليا اتحسن ايام قليلة واتعب معظم الوقت معدتى منتفخة على طول ومش مرتاحة خالص

وحاليا بيجلى صداع اخر رأسي من الخلف وبحس بدوخة خفيفة.

انا وقفت كل الأدوية بشرب سوائل دافية كتير وبشرب كمون

ياريت اعرف العلاج المناسب لحالتى شكراً مقدماً واعتذر على الإطالة.
 

الجنس
أنثى
الحالة الاجتماعية
متزوج
العمر
37
الطول
165
الوزن
72
تشخيص الطبيب
قولون عصبى

Dr. Mustafa Elmohammedy

أخصائي باطنة وقلب
حالة ارتجاع مرئ و التهاب في جدار المعدة
ينصح بالابتعاد عن كل مشتقات الكافيين و الأكل الحار و الدسم
و اكل وجبات خفيفة
واخذ الادوية التالية
Nexium 40
علي الريق و قبل العشاء بنصف ساعة

Antodin 40
قبل النوم
Fluxopride
قبل الاكل 3 مرات
Mucosta tab
كل 8 ساعات
Diaflatyl tab
2 قرص مضغ بعد الاكل 3 مرات
 

Dr. Gihan Anwar

استشاري باطنة عامة وأمراض روماتيزم ومناعة
الاعراض لديك تشير الى ارتجاع بالمريء خاصة كثرة التجشؤ و نغزات الصدر و ضيق التنفس والشرقه
و ارتجاع المريء من الصعب تشخيصه بالمتظار فالتشخيص يعتمد على الاعراض والتاريخ المرضي وللتأكد يمكن عمل دراسة تسمى ph monitoring للمريء في مركز متخصص لامراض المريء
وتحتاجين لعلاجه اولا التغذيه الصحيه والابتعاد عن الدسم والمقليات والتوابل والمتبهات والقلق والتوتر و عدم الاكل قبل النوم على الاقل ٤ ساعات ويفضل النوم على وسادة مرتفعه حتى لا يرجع حمض المعدة ويسبب شرقة كما تصفين
ويمكن استعمال علاج بنتالوك 40 مرتين باليوم مع موتيليوم قبل الوجبات لمدة لا تقل عن شهرين ثم تتابعي الحاله والاعراض