لكل كيميائي يريد فتح معمل تحاليل طبية بمصر - (أرجو التثبيت)

دكتور معمل يحب أبو تريكة ويعشق أغنية "بحب العنب" - يسكن في بيتهم !!

سأتولى بإذن الله شرح خطوات مزاولة المهنة وعمل الدبلومات .. إلخ وهذا للكيميائيين المتخرجين (طازة) أما الأصدقاء (المخضرمين) فأرجو منهم التعليق أو الإضافة من أجل التواصل والتفاعل ..
أولا .. لازم أقول حاجة مهمة جدا جدا وأسأل سؤال مهم :

س هل من حقي أن أفتح معمل ؟ وأكتب عليه اسمي ؟ وهل من حقي ابقى دكتور تحاليل؟
هذا يقودنا إلى سؤال سؤال هام جدا : قانونا هل المعمل ده من حقي ؟

* القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى.

* هذا القانون معمول به في كثير من الدول العربية مثل تونس – سوريا – ومصر وجميع دول العالم الأول مثل : أمريكا – كندا – فرنسا – ألمانيا – بريطانيا .. إلخ
* إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية في التحليل الكيميائي أو العضوي مثل التحليل التربيديمتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .
* المسألة تتلخص في تحليل عينة فقط فالجميع من أطباء أوغيرهم - رسميا - غير مطالبين : لا بتشخيص سريري – ولا بربط النتائج – ولا بكتابة علاج - أو تفسير نتيجة !!! حتى سحب بعض العينات قد يخرج عن نطاق تخصصك!! مثل عينات الدم للمولودين حديثا (تعرض على أخصائي الأطفال) – عينات فحص الأورام ( أخصائي الباثولوجي) – عينات البذل النخاعي (التخدير أو الحميات)
* للأسف يروج بعض الأطباء في أحقيتهم وإلغاء أحقية الباقيين في ممارسة المهنة ويضعون العراقيل ويحاربون بشتى السبل من أجل ضع قصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح)، ولي عنق الحقائق ، واتباع مبدأ "بروكر استيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إجبارنا على رفع القضية وخلافه ؟؟؟ وكتابة عبارات في الصحف بغرض الإثارة : " تضافروا لقصر المهنة على الأطباء" أو من يكتب : " فوضى التحاليل الطبية"
* لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن هناك من يعبثون بشد ذيل القط النائم من آن لآخر ، والذين يريدون الحصول على شعرة من شنب الغول الأسود وهو غافي !!

* الخلاصة .. التحاليل الطبية لا تعتمد على التشخيص السريري .. أنك - في المعمل - تتعامل مع عينة لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار.
إن ممارسة التحاليل الطبية هي حقك ..
.. حقك
.. حقك !!



* في دول العالم الأول يتساوى الكيميائيين مع الصيادلة مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية صيدلي ويتناوب على رئاسة المنصب بيطريين وأطباء وكيميائيين وصيادلة. ما يتولى إدارة بعض معامل البرج المصرية أوالعربية بجانب الأطباء .. صيادلة وكيميائيين أيضا.

* وجدير بالذكر - ومعلومة لمن لا يعلم- أن من أبرز مؤسسي بعض أقسام التحاليل الباثولوجيا الإكلينيكية بكليات الطب العريقة هم أساتذة صيادلة وكيميائيين وبيطريين في علوم الميكروبيولجي والبيوكمستري !!!

حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدافع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي ..

ركزوا معايا يا جماعة .. وفنجلوا عنيكوا و طرطقوا ودانكوا
عشان أنت ككيميائي تفتح معمل بإسمك – وتبقى دكتور تحاليل - لازم تعمل الخطوات الآتية:

(1) أن تحصل على أحد أو جميع شهادات الدبلوم في الآتي :
+ دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه + دبلوم البكتيريولوجيا العامة أو الإكلينيكية أو على:
+ دبلوم الكيمياء الحيوية التحليلية أو الإكلينيكية أو الماسترية فيها

(2) ح تاخد من النقابة درجة : أخصائي تحاليل طبية
ثم تأخذ التصريح من وزارة الصحة ويستغرق أشهر حسب دورك و العدد .. إلخ بس ح يكتبولك في التصريح عبار ": مع عدم التشخيص الطبي المعملي" يعني المعمل ح تبقى أنت مديره لكن مش صاحبه ؟؟؟ هههههههه

(3) ح ترفع قضية وتقعد حوالي سنة ب 1000 ألف جنية بس عند محامي مشهور (تفاصيل الموضوع عندي .. ولما الوضوع يطق ف دماغ أي عضو يبقى يكلمني)
وح تكسبها .. ح تكسبها .. ومضمونة 100% (لأن ده حقك كصيدلي) .. المهم بعد لما تكسبها ح تبقى دكتور تحاليل فعلا .. وهنايسقط الفرق (عمليا) بينك وبين الطبيب الأخصائي !!

++ ملاحظة لا معنى لها ولابد منها !! : الفرق الرسمي (واخد بالك من الرسمي دي؟) بينك وبينه لو خدت الدبلومتين الميكرو + البيو ح يبقى في سحب العينات فقط .. ح تجيب ورقة من دكتور طبيب أنه المسئول عن السحب في المعمل، وأنت اللي ح تسحب العينات برضه .. يعني عمليا مفيش فرق !!!


+ أسئلة للمراجعة النهائية (مجاب عنها
س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟
ج 1 إحنا في مصر !

س 2 : لأ بجد .. عاوز أعرف إيه لزومها؟
عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي؟؟؟؟؟ في حين أنه حقك ودي لعبة "الحق يغتصب" .. نقطة تانية هي نوع من أنواع كوابح السيارات والفرامل عشان متكترش المعامل زي الأجزاخانات ! ويبقى بين كل معمل ومعمل مختبر !!

س3: إيه أفضل وأسرع شهادة لفتح المعمل (يعني م الآخر .. عاوز أنجز )؟؟؟؟؟
ج 3 دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 .

س 4 : الليلة دي ح تكلف كام؟
ج 4 الدبلوما تمنها تبع المكان (متوسط كله 2500 + 1000 القضية)

س 5 : طيب لو أنا تخصص نبات أو كيمياء ونبات أوميكرو أو ميكرو وكيمياء ؟
ح تبقى العملية سهلة جدا ... ح تأخد الدبلوما ( الميكرو أو البيو أو ال2) + ح ترفع القضية لمدة سنة بعدها ترخص وتفتح معمل ..


الكلية
النوع
عدد الأخصائين الخريجيين
المصاريف
الأسكندرية علوم
بيوكمستري
حوالي 700
حوالي 1000 جنيه
دمياط
بيوكمستري
حوالي 200
حوالي 1500
شبين الكوم علوم
بيوكمستري
ميكروبيولجي

650
حوالي 50
حوالي 2300
تقريبا 750
مشتهر (عند بنها) بيطري
بيوكمستري
حوالي 1000
تقريبا 750
المنصورة علوم
ميكروبيولجي
بكتيريولجي
حوالي 50
حوالي 50
حوالي 1000
حوالي 1000
الزقازيق علوم

بيوكمستري
ميكروبيولجي
؟
؟
؟
؟
الإسماعيلية
بيو وفسيولوجي
ميكروبيولجي
أكثر من 800
حوالي 50
حوالي 1300
حوالي 1300
بنها
ميكروبيولجي
حوالي 50
؟

وفيه الكثير منها طنطا والقاهرة وعين شمس .. إلخ لكن دي أمثلة فقط ..

س 6 : طيب لو أنا قسم كيميا فقط ؟
ج 6 هنا ح يبقى قدامك فرص محدودة شوية ..
الكلية
النوع
عدد الأخصائين الخريجيين
المصاريف
الأسكندرية علوم
بيوكمستري
حوالي 700
حوالي 1000 جنيه
دمياط
بيوكمستري
حوالي 200
حوالي 1500
الإسماعيلية
بيو وفسيولوجي
ميكروبيولجي
أكثر من 800
حوالي 50
حوالي 1300
حوالي 1300
شبين الكوم علوم
بيوكمستري

650

حوالي 2300

مشتهر (عند بنها) بيطري
بيوكمستري
حوالي 1000
تقريبا 750

ودي أشهرها .. وفيه دبلومات أخرى لا تعطي التصريح بالمزاولة لكن من يحصب عليها بهدف العلم فقط مثل :
الكلية
النوع
عدد الخريجيين
المصاريف
معهد البحوث الطبية الأسكندرية
باراسيتولجي
؟
؟
معهد الهندسة الوراثية السادات
مناعة جزيئية
؟
على فكرة الدراسة سنتين
؟



س 7 : طيب لو أنا تخصصي حيوان خاص أو نبات خاص أو ميكرو خاص .. إلخ يعني مفيش كيميا؟
ج 7 في الحالة دي ح تأخد معادلة كيمياء ممكن تاخد (حوالي سنتين) + الدبلوما من أي جدول + القضية (سنة)
أما عن المعادلة فهي موجودة في شبين الكوم .. ولها قصة ملاحظة 1 : لازم معادلة كيمياء عشان تفتح معمل
ملاحظة 2: لا يشترط أن تحصل على المعادلة قبل أو بعد الدبلوما ( الإثنين زي بعض وعلى ضمانتي ) بعد لما ترفع القضية ح تكسبها حتى لو كانت المعادلة بعد الدبلوما !!



والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز

س 8 : طيب إيه أرخصهم وأسهلهم؟ ويديلي الشهادة ع السربع ؟؟
ج 8 * احذر هؤلاء : المنصورة (معقدين أوي ) - عين شمس (ناشفة؟)
* تحاشى هؤلاء : مشتهر لان اللي بيدخل ما بيطلعش إلا فيما ندر - شبين (مهرها غالي 2500 ) - طنطا( !بيقولوا صعبة ومش عاطفية
* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز بس غالية) - بنها ( وأنت واقف!!!)

س 9 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج؟!!!!
ج 9 دبلوم ميكرو + ماستر أو دكتوراه في البيو ( أو العكس لكني أفضل كده)

س 10 للمحترفين فقط) : طيب لو أنا عاوز آخد جايزة نوبل في التحاليل أو كأس العالم ؟!!!!!!!!
ج 10 دبلوم ميكرو + دبلوم بيو + دكتوراه في المناعة
ملاحظة : اعرف دكتور معاه كل دول .. واعرف دكتور تاني معاه دكتوراه الفلسفة في الميكرو + دكتوراه البيوكمستري وكاتب على المعمل :" معمل الدكاتره فلان الفلاني " وع التقرير كاتب :" الدكتور الدكتور" - فعلا بتاعة شهادات !!
س 11: ممكن أعرف إيه حكاية المناعة دي بقى؟؟
ج 11 معهد البحوث الطبية اسكندرية بيدي ماسترية للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين خاص .. تحيز؟ .. أو عندك معهد بحوث الهندسة الورائية السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية
س 12 : فيه ملاحظات تانية ؟
ج 12 لأ .. بس اللي عاوز يسأل أي سؤال أنا في الخدمة

سلاااااااااااام و كووووووووووووول
in14;

يخرب عقلك ياراجل,ايه الجمال والحلاوه دى .
انا بتفق معاك انه خريج علوم احق فى الشغل واكفأ ليه بقى؟لانه ببساطه فى الكليه بيشتغل فى معامل من سنه اولى .وانا بدرب دالوقتى ولاقى انه اغلب الحاجات اخدتها قبل كده او عندى فكره مباشره عنها.
وبجد الموضوع هايل هايل هايل.
وبعدين ليه فى الشغل بره يقولك احنا عايزين اطباء ,هم خريجى العلوم مالهم يعنى ,اقل كفاءه ,بالعكس انا شايف انهم اعلى كفاءه لانه زى مانت قولت انه اخصائى المختبر مش مطلوب منه تشخيص ,كل اللى مطلوب منه نتايج واظن بقى احنا طول فتره الكليه بنتشغل تجارب ونتطلع نتايج....صح ولا ايه...
يلا...ده نصيبنا.

الله الله الله الله الله الله ايه الروعه دى
انت بجد جبت من الاخر
انا دخت علشان اسأل علىالكلام ده وكل واحد يقوللى كلمه من الييمين وكلمه من الشمال والعملي اصلا مش ناقصه
فياريت لو تقدر تدينى ايميلك علشان تسهل على الواحد وننجز اكتر
واكون شاكر جدا جدا لسعادتك
وكمان مرة انت راجل عشرة على عشرة

السلام عليكم يا د. معمل

بصراحة نفسي اسجل اعجابي الجاااااااااااااااامد بالمقال وباسلوبك اللذيذ في الكلام
ومتشكرين على المعلومات الخرافية اللي حضرتك ذكرتها
متهيأ لي ان الرسالة وصلت .. بجد استفدت كتييييييييييييير
ميرسي

اسلوب جميل جدااا ..دكتور المعمل ...جزاك الله خيراا على التوضيح..

سؤال مهم جدااااااااااااااااااااااااا.ارجو الاجابة بالتفصيل الممل..

- طالب خريج كليةالعلوم الطبية التطبيقية..اللى فى جامعة 6 اكتوبر فى مصر..
-اللى بيحصل على درجة البكالوريوس فى التحاليل الطبية ..يعنى بيتخرج اخصائى تحاليل طبية ..
- يعنى بيدرس الاربع سنين تحاليل وبيدرس جميع المواد الخاصة بقسم التحاليل ..

هل من حقة فتح معمل بعد عمل دبلومة او ما جستيررر ؟؟؟؟؟؟؟؟؟؟؟؟؟؟؟؟؟؟

ولا بردو هيدخل فى موضوع محاكم..ارجو التوضيح بالتفصيل الممل جدااااااااااااااااا..

وشكرا لك اخى دكتور المعمل....

أشكر لك نقل الموضوع الجميل هذا لملتقانا الرائع وهذا حيفيذ بإذن الله كل الطلاب عشان يعرفوا مابعد الدراسة ... ماذا ؟
وفقك الله ....

مشكوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووور جداااااااااااااااااااااااااااااااااااااااااااااااااااااا يا غالى على كل هذا التوتضيح

ياااااااااااااه .. يا دكتر
كان فييييييييييييييين الكلام ده من زماااااااااااااااااان ؟
ألف ألف ألف شكر يا دكتور

السلام عليكم ورحمه الله وبركاته
في البدايه احب اشكرك جدا جدا على المقال الفوق رائع ده والحمد لله الواحد استفاد بس كنت عايز استفسر عن حاجتين
الاولى:حضرتك قولت ان الدبلومات دى موجوده في جامعه عين شمس انا عايزه اعرف فين في جامعه عين شمس؟ لان انا خريجى كليه علوم وعرفت ان مفيش في عين شمس ياريت تجاوبنى
التانيه:انا خريجه قسم كيمياء حيويه وميكروبيولوجى فانا كده اتعامل معامله مين بالظبط(الخاص او المزدوج )بمعنى ايه هيه الدبلومه المفضله ليه انى اعملها؟
وجزاك الله كل خير[="Tea"

ربنا يكون في عون أخوتنا في مصر

جزاكم الله خيرا

الله عليك

كنت عاوزة استفسر انا حاصلة على بكارليوس زراعة ميكروبيولوجى

و عاوزة اشتغل فى التحاليل و اخذ ترخيص مزاولة المهنة

ارجو الافادة

الموضوع اكتر من رائع شكرااااااااااااااااااااااااا

عليا النعمة انت برنس

بجد بجد بجد ما شاء الله عليك يا دكتور المعمل يا لذة الله يكرمك ويوفقك مفتكرش انك سايب فرصه لحد يسال انت دايس الموضوع كويس جدا تمام يا ستار

الصعيدي المظلوم

انت هايل
انا من زمان نفسي حد يجوبني على الاسئلة ده
بس انت مذكرتش جامعة جنوب الوادى ( المظلومه )
إلى انت ماتعرفوش انى دلوقتي في دبلومه جديده هى
دبلومه الميكروبيولوجي التطبيقية وتمنها رخيص قوى (350 جنيه فقط )
والترم 7 شهور يعني سنة وشهرين
والدكتره في منتهى الروعة والاحترام والادب وطيبين جدااااا
طلب اخير انا مش ممكن اسيبك انا لازم اخد ايميلك
ياريت تبعتلى ايميلك
ملوحظه غريبه شويه \ دلوقتي في صيدليات بتتمني انها تشغل خرجي علوم ( بس انا مش عارف هم هايعملونا زى الدبلومات يعني (المعاهد أو الخ ) اللى بسعدوهم ولا زى خرجي صيدله
أرجو التعليق من اى حد في المنتدى

الصعيدي المظلوم

جزاك الله كل خير وجعله في ميزان حسناتك

اموت واشوفك علي الكلام اللي انت كاتبه ربنا يبارك فيك ربنا يبارك فيك ربنا يبارك فيك دول عقدونا وجننونا والله كنت بدات اياس بس كلامك مطابق جدا لكل اللي سمعته بل بالعكس انت اكدت لي لاني سالت فعلا في شبين الكوم وهي فعلا مهرها غالي شويه

عموماً احنا في الخدمة
ولو عاوز تعرف اكتر ممكن اساعدك

انا خريج علوم كيمياء فيزياء خريج طازة كنت عايز اخد دورة فى inia pathgy هل من حقى اخد الدورة دى؟ واخدها فين ؟
لانى عايز اشتغل ف معمل مش افتح معمل
ارجو الاجابة سريعا

كنت عاوز اعرف هتردوا عليا امتى؟

شكرا

بصراحه الموضوع شيق ولذيذ بس انا عايز اقول حاجه مهم قوى دراسة طبيه بجانب تخصص التحاليل لان يا جماعة لازم نربط بين ان انا بشخص فقط وبين ان انا عارف الامراض كويس عشان على الاقل ابقى عارف احكم على النتائج اللى انا اشتغلتها وعيبنا هنا فى مصر ان المريض لازم يقابل دكتور المعمل ويستفسر كتير عن اشياء ممكن انا ككميائى معرفهاش ومدرستهاش فأضر اجاوب اى اجايه , انا شخصيا لى تجربه حقيقى لما درست لقيت ان انا كان ناقصنى معلومات كتير كتير جدا فعشان اكون واقف على ارض صلبه على الاقل اطلع واقرأ كتير فى المجالات الطبيه المختلف عشان نوصل ان ما يكونش فيه فرق بين كميائى او صيدلى او طبيب بس انا موافق على كل الكلام اللى انت كتبته وبصراحه عجبنى الموضوع
انا كميائى ودرست كمان صيدله والحمد الله خلصت السنه دى
وبشتغل فى مجال التحاليل من12 سنه وعندى معمل خاص من 10 سنين ومن المشهورين قوى فى مكانى, فحبيت ادعم وجودى فى السوق بالدراسه
لانهم كانو منعنى من كتابه اسم دكتور على المعمل فقلت يا واد خدلهم اللقب ودلوقتى كتبته بالخط العريض ومفيش حد يقدر يمنعنى دلوقت, بس الحقيق انا كنت بادرس صيدله عشان اللقب بس , ولكن بعد الدراسه حسيت انى كان ناقصنى كتير جدا.
يا كل زملائى ياريت نطلع على الامراض ونقرا فيها كتير دا عن تجربه وحبيت افيد كل زملائى بتجربتى
وجزاكم الله خيرا , احبكم جميعا فى الله

يعنى مفيش حد علق على كلامى هو كلامى مش عاجبكم ولا ايه

السلام عليكم شباب : أنا اتخرجت السنة دى من مختبرات واتخصصت كيمياء سرسرية واتخرجت بتغدير جيد جدا والحمد لله الان داير اقضى الخدمه الوطنيه: داير معينات من اصحاب الخبرات حتى اجتاز المرحله الممله دى وشكرا" """""""""""""" مختبرات الازهرى

محمد غريب: موضوضوعك جميل لكن عندى سؤال انتو برضو عندكم بمنعو كتابة اسم دكتور على المعمل ؟ وتفتكر ليه؟ أنا رايى انو المشكلة فينا انحنا وفى دراستنا وفى منهجنا وانحن ماقاعدين نطالب بى حقنا أول بى اول عشان كدة انحن نستاااااااااااااهل ولا شنو

اخى الحبيب : مجاهد كمياء انا الان خريج كلية الصيدلة واخذت دبلومة تحاليل من الصيدله
من حقى ان اكتب دكتور لانى بالفعل دكتور هذا للتوضيح
ولكن ما اقصده فى مجمل موضوعى ان نكون على علم وان ندرس حتى لو لم نلتحق بكليات اى الاطلاع الجيد كى تخدم عملك وتصبح بارع.
وربنا يوفق الجميع
احبكم جميعا فى الله

شكراااااااا