النسيان اللحظي

بتحصل معي من فترة لحظات انساها تماما ما اقدر اتذكرها او اتذكرها بعد زمن طويل

اول مره حصلت لي قبل ثلاث سنوات رجعت من الجامعة وما عاد عرفت ايش سويت الي اعرفه اني قمت من النوم الساعه 12 في الليل حتى اني نسيت هل اكلت او متى رجعت او متى نمت.

ثاني موقف اني نسيت رمز تلفوني وهو كان نفسي الي في جهازي الثاني كنت ااقدر افتح جهازي الثاني بينما الاول في بالي اني نسيت كلمة السر ومش قادرة افتحها لدرجة اضطريت بعد شهر افرمت جوالي وبعد الفرمته وانا بحط كلمه السر تذكرت انها نفسها حق جهازي الثاني.

اخر موقفين حصلو لي اني الاول كنت بتصل لاخي وكان اخي في جوالي مسميته اخي بينما شخص ثاني اسمه نفس اسم اخي فتحت جوالي واتصلت لشخص الثاني وبكلمه انو اخي وعقلي مصر انو اخي لبعد زمن استوعبت انو مش اخي وانا غلطت.

واخر شي اني كنت جالسة اشوف فيلم في الشغل والمدير مشي من عندي وانا ما شفته كنت فاصله تماما ومش قادرة اتذكر هذي اللحظة ابدا انو حتى المدير جا لعندي..

وفي موقف حصل لي غير النسيان انا عندي الرعشه في اليد عند التركيز وهي وراثه من ابي لكن مره تذكرت مشكله حصلت لي وكان في يدي شاهي ساخن ما عاد قدرت اسيطر على يدي لما انسكب فوقي ..

تجي اوقات احس اني متوترة جدا حتى ما احس في سبب داعي لكل هذا التوتر