استشارات طبية

اسأل طبيب

تسجيل/دخول

مواضيع طبية

قاموس طبي

حاسبات طبية

ارتفاع انزيمات الكبد مع انتفاخات و امساك و حرقان على فم المعدة

رقم الاستشارة الطبية: 14359
أحدث إجابة من Dr. Mustafa Elmohammedy
بتاريخ 29 أكتوبر 2020
الأجوبة: 3 / المشاهدات: 3154
قسم: استشارات باطنية وصدرية
زائر
عندى مشكلة فى الكبد الانزيمات عالية واخدت ادوية ارسوبلص واوميجا 3 تنزل وبعض النتائج زى ما هى وعندى انتفاخات دائما رغم ان بقالى شهور مبتعد عن السناكس والمشروبات واكلي كله فواكة وخضروات وللاسف بيجيلى إمساك دايما وجربت ادوية كتير يوم او اسبوع بحس ان جسمى اكتسب مناعة وبقت الادوية مش تأثر فى الامساك.

وعندى حرقان فى المعدة رهيب كل يوم الصبح بحس فى حرقان على فم المعدة رهيب وريقى ناشف وبحس ان فمى فيه لعاب اصفر زى البلغم ومر لدرجة مش بعرف ابلع ريقى وبيجلى زغطة كتير ومع الزغطة ممكن الاكل او ماية ترجع فى فمى مع زغطة دى
روحت لدكاترة كتير وارفقت تحاليل وفى اخر تحليل عملته لكن اخر نسبتين ارتفعو فى اخر تحليل والبلقى قل وارفقت الدواء
 

الجنس
ذكر
الحالة الاجتماعية
متزوج
العمر
30
الطول
176
الوزن
95
أمراض مزمنة
لا يوجد
أدوية مستخدمة
ارسو بلص و اوميجا 3
تشخيص الطبيب
لفيت كتير وتحاليل البعض قال تاليف فى الكبد والاخرين صفراء وارتفاع انزيمات مع قرح فى المعدة وجرثومة

المرفقات

  • IMG_20201021_085626.jpg
    IMG_20201021_085626.jpg
    123.4 KB · المشاهدات: 1,845

Dr. Malek Anas

أخصائي أطفال وحديثي الولادة

الف سلامه لحضرتك
واضح من الاعراض ان حضرتك عندك ما يسمي بكسل الكبد او ضعف الكبد في القيام بوظايفه ودا مؤثر علي الجهاز الهضمي كمان معاك قولون عصبي والتهاب بالمعدة ودا سبب الامساك والارتجاع والاحساس بالإفرازات الصفراء بالفم وطبعا حضرتك محتاج استاذ كبد وجهاز هضمي تتابع معه لان حضرتك محتاج علاج المعده ومنظم لحركه الجهاز الهضمي ومهضم وكذلك مدعمات للكبد وملين وتستمر عليهم فترة علي الاقل شهر وتابع التحسن
شافاك الله وعافاك
 

Dr. Gihan Anwar

استشاري باطنة عامة وأمراض روماتيزم ومناعة

انزيمات الكبد المرتفعه ليست تشخيص لابد من معرفة سبب ارتفاع الانزيمات
مثل الالتهابات الفيروسيه المزمنه بي وسي
او مضاعفات بعض الامراض مثل البلهارسيا
او يكون مرض مناعي ذاتي بالكبد ادى الى الالتهاب
او التهابات وخصوات المرارة
ينصح بعمل تقييم جيد لسبب ارتفاع انزيمات الكبد بالفحوصات للفيروسات والمناعه والبلهارسيا
بالنسبه للاعراض لديك فهي غالبا بسبب ارتجاع بالمريء ووجود جرثومة المعدة
يمكنك تناول بنتالوك 20 مرتين باليوم و موتيليوم للارتجاع قبل الوجبات مع الالتزام بالتغذيه الصحيه كما ذكرت
حال استمرار الاعراض ومع وجود تاريخ لمرض بالكبد يفضل عمل متظار للمريء والمعدة للاطمئنان
 

Dr. Mustafa Elmohammedy

أخصائي باطنة وقلب

الموضوع بسيط باذن الله
يرجي ارفاق كافة التحاليل و الادوية اللي خدتها الفترة اللي فاتت
ارتفاع الانزيمات سببه لخبطة العلاج
انت عندك ارتجاع مرئ و قولون عصبي
و علاجه يسير إن شاء الله
ممكن تاخد كونترولك ٤٠ علي الريق
اميبروستون ٢٤ كل ١٢ ساعة
حتي ارسال التحاليل و معاودة الاستشارة