زعلتينا مثل مافرحتينا عليج
شوفي الغاليه
لاتنتظرين الشهر الجاي وتحسبين وتحللين خليها على ربج
وقولي متى مالله راد بيكتب لي وتوكلي على الله وكثري الاستغفار ولاتنشغلين بالموضوع وانسيه تماما
اكتبي تاريخ اول يوم في الدوره علشان ماتنسين وبعد عاشر يوم من الدورة ولمدة عشر ايام توقعي فيها التبويض ويكون فيها جماع وانسي الموضع لاتحللي اباضه ولا تراقبي البويضه ولا تسالي عن اي شي بخصوص الحمل وعيشي حياتج وانتي في قلبج واثقه ان اللي الله بيكتبه بيصير وان هذي تدابير من عند الله وحكمه منه وفي الوقت اللي الله يحدده بيصير الحمل
وبصراحه انا كنت عايشه جذي وبهالاسلوب ويصير حمل لان الله كتب لي واذا شهر ماصار عندي حمل اقول الله ماراد مع ان نفس الوقت في الجماع والوقت في هالشهر ومايصير حمل والشهر اللي بعده يصير والسبب ارادة الله
لكن انا بعد ماشلت اللولب فكرت اسوي مثلكم اراقب البويضه واسال متى الاباضة وخسرت فلوس على اختبارات التبويض بالبول وعلى عيادة خاصة على كشف واشعه للرحم اشيك على البويضه وصل لقريب الالف ريال ومع هذا مادري شسالفه ومو عارفه شيء واختبارات الاباضه اللي اسويها في البيت بالبول اتطلع لي الاباضه ضعيفه والدكتوره قالت في بويضه عندج وحجمها جيد ؟؟ ومازلت مو عارفه متى الاباضه ومتى افضل اوقات الجماع وشغلت فكري وعقلي وتفكيري بالفاضي مع اني كنت احمل ومادري متى البويضه تنزل ولا ادري بسالفة اختبارات الاباضه ولا كنت ادري ان البويضة تبين في الرحم بالاشعه والاهم كان بالي مرتاح ومو مشغول كانت اذا جاتني الدوره مازعل واقول بقلبي مالله راد يالله فرصه اعيش حياتي واذا صار حمل اقول الحمدالله
واللحين انا سويت جذي بعد ماخسرت افلوس وتعبت من كثر ما اسال واستفسر ومحد يعطيني ويه في هالمنتدى قلت وش حادني ماعندي سالفه يعني لو عرفت وطلع كل شيء مضبوط بحمل ؟؟؟
كله بإرادة الله ومن بعدها عايشه حياتي ومطمئنه ومرتاحه واتمنى انتي وغيرج تتخذون الاسباب ولكن تخلونها على الله ترى جداً الموضوع متعب جداً اذا بتفكرون فيه بهالطريقه انا اسبوع من التفكير والبحث والفحص والسؤال كرهت نفسي وقعدت معلقه نفسي ومخربطه حياتي على شي مالي يد فيه ويعتمد على ارادة الله وحكته واتمنى تخلونها على الله مع اتخاذ الاسباب والله يكتب لنا ولكم اللي فيه الخير
اخيرا.......... الله يرزقج بالذرية الصالحة ويفرح قلبج وتفرحينا معاج انتي وجميع المسلمات
