الي طلبه كليه الطب جامعه الاسكندريه.............

بسم الله الرحمن الرحيم
اولا ابداء بالسلام علي كل الاخوه الموجودين بالمنتدي
ده اول موضوع اكتبه
انا اسمي محمد في الفرقه الخامسه كليه الطب جامعه اسكندريه
و عنوان الموضوع انه لطلبه كليه الطب جامعه اسكندريه هو فقط لاننا بنشترك في مشاكل منفرده بينا احنا بس بقيه عن اي كليه طب علي وجه المعموره (المعموره دي اللي هيا الكره الارضيه ....عشن الناس اللي بتفهمها وهيا طايره ) المهم ....
ياريت اي حد من اي كليه طب يكتب رد باهم و اوضح مشكله هوا شايفها عنده
طبعا تكون مشكله غير طول الدراسه وصعوبه المواد لان دي مشاكل بنشترك فيها كلنا
و لاي حد يا جماعه يحب يفهم اي موضوع او يحتاج شرح ياريت يقول ...كلنا اخوات طبعا و ان شاء الله نحاول نساعد بعضنا
طبعا في كل المواد ماعدا الجراحه و النساء و التوليد (عشن لسه مادرستهمش )
و ربنا يكون في عون المسلمين جميعا
اخوكم محمد

السلام عليكم ورحمة الله وبركاته

أخى الكريم شكرا لك ..

مشكلتى انى ضااااااااايعة بكل ما تحمله الكلمة من معانى ...
انا فى اولى .. والمواد متكربسة فوق دماغى ومش عارفة المها ،
مخنوقة وماليش نفس اذاكر ..

وبجد تعبت خالص ..

جزاك الله خير ،،

وعليكم السلام ورحمة الله وبركاته يا اهـــــــلا باخوتى الكرام ...... دكتور محمد , دكتورة ابتسامة املجزاك الله كل الخير دكتور محمد على رغبتك فى المساعدةان شاء الله نتواصل مع بعض فى الخير يا رربكنت فاكرة انه مفيش حد غيرى فى طب اسكندرية هناا.....ماشاء الله فيه ناس كتير ......اختى الغالية ابتسامة الامل.... انا مثلك فى اولى , ان شاء الله حبيبتى اقدر اساعدكوتقريبا الظروف اللى بتمرى بيها حاليا...... انا مريت بيها فى بداية السنةشوفى اختى الغالية ...... انتى فى الاول تدعى ربنا كتير انه يعينك وحاولى حبيبتى تنظمى وقتك فى الفترة الباقية على الامتحاناتوشيتى على الاجزاء المهمة فى كل مادة .... وشوفى الاسئلة اللى كانت امتحانات السنوات اللى فاتت وحليها وركزى فيها اوىعشان تقدرى تلمى اكبر قدر ممكن من المعلوماتبالنسبة للعملى ..... فيه ملازم للعملى بينزلها الاخوان اشتريهاواحفظيها كويس ... بالذات فى الفسيولوجى والبيو وركزى اوى علىsheme لانه مهم جدااااا وكمان الورق الموجود فى قسم التصوير الطبىبالنسبة لعملى الهستولوجى... برضه ليها ورق عشان تقدرى تحفظى منه مواصفات sides وكمان تركزى فى المراجعة اللى بيعملها السكشن على كل سليدز الهستولوجىوالاناتومى... يا ريت تشوفى حد من زميلاتك تكون مراجعة كويس على العملى وتروحى معاها المشرحة وتراجعوا سوا .... باذن الله هيفيدك جدااا فى امتحان العملىمعلش حبيبتى طولت عليكى...... بس يا رب اكون افدتك بشئوفى انتظار اى استفسار منك وكمان دكتور محمد ماشاء فى خامسة ان شاء الله يقدر يقدم مساعداتهامنياتى لكِ بالتفوق والنجاح..... اختك نورا

سلام عليكم
اولا سعيد بمعرفه الاخوات ابتسامه امل و نورا
و بجد د.نورا قالت اللي ممكن يتعمل و زياده
مش مهم انك تدخلي الامتحان و انتي فاتحه كل حاجه في الكتب لكن المهم ان اللي انتي تكوني فتحتيه و قرتيه كويس اوي .....يعني مثلا لو انتي لقيتي نفسك مش حاتعرفي تلمي الماده كلها ...مفيش مشكله ...اختاري اهم المواضيه و اللي دايما بتتكرر ...و صدقيني الامتحان مابيطلعش منها بنسبه 90% ....وانا مابقلش الكلام ده عشان اريحك او اطمنك ...لا والله
ده عن تجارب وامتحانات احنا شفناها السنين اللي فاتت
في طبعا مواد ماينفعش فيها مسئاله انك تذاكري المواضيه المتكرره زي الميكرو او الفارما و زيها ودي مواد مش حاتخديها الا في تالته
بصي يا ستي ....في الفسيولوجي كان د.ادهم اشهر دكتور بيدي كورسات في القسم بينزل دايما ورق في اسئله
الاسئله دي و الله ماكنش بيطلع منها امتحان اخر السنه و لو فيه حاجه طلعت بيبقي بالكتير سؤال او اتننين......و بالنسبه للاناتومي زي مالدكتوره نورا قالت ...تراجعي كويس في المشرحه و ده مش حياخد نص ساعه بالكتير و ممكن تروحي لوحدك و معاكي الكتاب بعد السيكشن المشرحه بتبقي فاضيه ....او يبقي معاكي حد زميلك ....اما الهيستولوجي فلو وحيد استيفانوس لسه رئيس القسم ...فانصحك تذاكري من الكتاب .....اما البيو بتاعه سنه اولي كلها عباره عن حفظ فورميولات و صدقيني سهله جدا لو بس حطيتي في دماغك و انتي بتذاكري انك حاتعرفي تخلصي كل حاجه ......لكن لو قعدتي تقولي انك مش حاتعرفي تلمي حاجه من دلوقتي....حاتفضلي تقولي كده لغايه اخر السنه و في الاخر حاتقولي ياريتني ذاكرت و ماقعدتش اوسوس لنفسي
فبالله عليكي ابدئي من دلوقتي و والله لسه بدري اوي اوي
و حاتلحقي تذاكري و تراجعي كذا مره ان شاء الله
و بالبتوفيق للجميع
سلام عليكم

وعليكم السلام ورحمة الله
بجد دكتور محمد ماشاء الله ردك يطمن جزاك الله كل خير ....... وبارك فى عمــــركومعاك حق فعلا ..... ان اسئلة الامتحانات اغلبيتها بتكون من السنين اللى فاتت....صدقت والله .... مفيش اسوء من التسويف وعدم الثقة بالنفسواكيد كل ما الواحد بيبدأ بدرى ان شاء الله يقدر يلم مواضيع كتيرة فى المنهج
اختى ابتسامة امل.. عليكى حبيبتى انك تشيلى الافكار السلبية من دماغك خاااااالصوتتوكلى على الله وتبدأى على طول... وباذن الله خير
خالص امنيتى لكِ بالتفوق ..... وكل الشكر لدكتور محمد

وعليكم السلام ورحمة الله وبركاته ..

دكتورة نورا ..
سعدت جدا جدا بمعرفتك والله ،، لقيت حد يشاركنى أخيرااا ..
كلامك كله مظبوط بس المشكلة إنى مابقيتش عارفة الصح من الغلط ،،
ذهنى مشتت جدا ،، عارفة كأنى مش عايشة فى العالم ده .. حسة كأن عقلى طاير ومش عارفة أمسكه ..
آسفة جدا على التعبيرات الغريبة ديه ،، بس والله مش لاقية حد غيرك أقوله احساسى فعلا ..
حتى مش عارفة أحط جدول مذاكرة من كتر ما انا تايهة ..
هحاول باذن الله ألملم أفكارى وأرتبها أحسن العملية كده هتبقى حوسة أكتر ..

جزاك الله خير على المساعدة وشكرا ليكى مليوون شكرا ، وإن شاء الله أنفذ نصائحك الثمينة وأقولك عملت إيه ..
تقبلى خالص شكرى ..

وعليكم السلام ورحمة الله وبركاته ..

دكتور محمد ..
ربنا يكرمك ويخليك ..
بجد والله كلامك يرفع المعنويات ،،
بس المشكلة اننا فعلا فى آخر السنة ،، يعنى خلاص سبق السيف العزل ..
ربنا يعدلها من عنده وجزاك الله خير على نصايحك ديه ،
ربنا يوفقك ويكرمك ..

دكتوور محمد...
موضوعك مفيد جدا..يارب يستفيدوا منه اكبر عدد من طلاب الاسكندريه ..
دكتوره ابتسامة الامل...اتمنالك كل التوفيق يارب
شدي حيلك..كلنا نواجه نفس الي بتواجهوا ..الطب طب وين ما كان...
شدي حيلك اختي...قدها..
وما شاء الله على الدكتوره نورا..
مو مقصره مع الكل...
يعطيكم الف عافيه..
بالتوفيق للجميع

تسلميلى يا رب اختى الغالية... انا اللى سعيدة والله جدا بمعرفتك... اخيرا بقى فيه حد هنا معايا فى الكليةوشدى حيلك حبيبتى ...... باذن الله ربنا هيوفقكبس انتى اجتهدى على اقصى ما عندك...... خلاص هانت على الامتحاناتوحاولى تغصبى نفسك واوعى تطاوعيها لو قلتلك انك مش هتقدرى او انه خلاص سبق السيف العزللا اختى الغالية لسه فيه وقت باذن الله..... ودة وقت التحدىوانتى قدها وقدود باذن الله....... استعينى بالله وادعي انه يوفقك... وابذلى اقصى جهدكباتمنالك يا رب التفوق والنجاح..... وربنا يعينك يا ربويشـــرح صدرك وينور عقلك .... ويسهل عليكى المذاكرة ........ اللهم امينكل الشكر لدكتورة اســـــراء على المتابعة.... يعطيكى الف عافية

السلام عليكم ورحمة الله وبركاته:
جزاكم الله خيرا كثيرا على كل من قدم مساعدة او حاول انه يساعد شكراا لكم جدا
انا برضه اولى اسكندرية:
انا كنت عاوزة اعرف بس اققفل المذاكرة والم الباقى ازاى؟؟
وخاصة موضوع النسيان خاصة التشريح انا بقلب الصفحة وبنسى اللى كان فى الصفحة اللى قبلها ....وكم الحفظ الكبير اوى اللى فيها ده اعمل فيه ايه؟...... وححفظ كل ده امتى؟؟؟؟؟
وكله بيتنسى!!!!!
وبعدين مشكلتى خاصة فى الاناتومى انى اللى ذاكرته من ورق مزود اوى اوى فلا منى عارفة اخلصه ولا منى عارفة الم فى الاخر منه وكمان مش حينفع اغيره دلوقتى لانى ذاكرت منه ومش حينفع اغير اسلوب المذاكرة علشان متلغبطش
وبصراحة خايفة اركز على الحاجات اللى بتتعاد فى الامتحانات كل سنة لان رئيس القسم السنة دى جديد وانا مش ضامنة تفكيره حيبقى ازاى وخاصة ان امتحان اعمال السنة كان واضح منه انه مش مباشر او بمعنى تانى الحاجات اللى ماكوناش مركزين عليها كان اكثر الامتحان منها يعنى الداكترة قعدوا يقولوا الهاند مش مهمة والامتحان اكثر من نصفه كان فى الهاند
وماكنش متوزع كويس خالص اسئلة الامتحان...فأنا خايفة اركز على اسئلة الامتحانات وفى نفس الوقت مش قادرة اذاكر الكم ده كله
والبيو برضه مشكلتها بس انها بتتبخر بطريقة مش طبيعية وامتحانها بيبقى عاوزك فاكر كل جزئية كويس جدا جدا وانا حفتكر كل ده ازاى
والله انا بحاول اجمع مع المحاضرات واذاكرها الو باول او بمعنى تانى اقراها على الاقل علشان ابقى متابعة معاهم ....وانا عاوزة اجيب تقدير كويس
ساعدونى بقى الم المواد دى ازااااااااى
وجزاكم الله خيراا كثيراا

اهــــــــلا دكتورة نورالاسلام........ نورتينا اخيتى
فى طب اسكندرية ..... ماشاء الله , دكاترة طب اسكندرية شكلهم هيحتلوا الملتقىin10;
على فكرة انا كمان اولى جامعة اسكندرية.... يا هلا بيكى حبيبتى
فيه موضوع هنا فى الملتقى.... اسمه كيف تتغلب على النسيان .. وده الرابط

والله اخيتى دى مشكلة عامة لكل الطلبة .. ربنا يوفقك يا رب ويسهل امرك
بالنسبة للاناتومى.. فالوقت عشان اكون صادقة معاكى ضيق ..
اللى يفيدك حاليا كتاب او ملزمة يكون فيها اقل المعلومات...
انا عارفة انك ممكن تستغربى كلامى دة... بس صدقينى ده اللى هينفع فى الوقت دة
الوقت محدود جداا .... وعشان الواحد يقدر انه يذاكر كل المعلومات ويحفظها.. ده صعب
خلينا واقعيين .. الامتحانات بالكتير اوى شهر على ما تبدأ..
والمفروض انه الفترة دى نستغلها فى المراجعة.... طيب انا دلوقتى مثلا مكنتش بذاكر فى الاول
وعايزة اجيب تقدير حلوو.... والمطلوب انى اذاكر والم اكبر قدر من المعلومات وفى اقل وقت ممكن
وعلى فرض ان الدكتور هيجيب اسئلة غامضة شوية فى الامتحان ... هتكون بنسبة كااام ؟
اكيد سؤال او اتنين .... لكن باقى الاسئلة باذن الله هتكون مباشرة
يبقى انا دلوقتى مش محتاجة اشغل نفسى بالسؤالين دول....
واحاول اصب تفكيرى كله على الاسئلة المباشرة واللى غالبا مش هتخرج عن نمط اسئلة الاعوام السابقة.. وعن كتاب القسم
فيه كتاب العملى لدكتورة هدى.... ده اللى بذاكر منه فى الفترة دى..حاولى تشوفيه
واستعينى بالله اختى الغالية ..... وباذن الله خير
وحاول تدى لعقلك وتفكيرك فرصة انه يستريح من التوتر والضغط
المهم ركزى وشدى حيلك على الاخر .. ومتشغليش بالك بان الاسئلة هتكون صعبة او كدة .. خليها على الله
وحاولى تنظمى وقتك وتراجعى الاسئلة المهمة... باتمنالك يا رب كل النجاح والتفوق
اكيد سنة اولى تجربة..... وتجربة قاسية كماااان .. بس انتى قدها وقدود
ان شاء الله تمر بخير.... ودرس واتعلمناه وبعد كدة باذن الله نكون افضل واحسن
ونستمتع بدراسة الطب بعيدا عن الخوف والقلق من الامتحانات
الله يسهلها عليكى ويوفقك يا رب... اختك نورا

جزاكِ الله خيرا كثيرا عزيزتى نورا
وكلامك عجبنى جدا جدا....وفعلا عندك حق مهما كانت الاسئلة اللى ممكن تيجى غامضة نسبتها حتبقى كام يعنى......على رايك
وانا فعلا ححاول اجمع اكبر قدر دلوقتى
وربنا مع الجميع
وزى ما قلتى هى تجربة صعبة وغلسة كمان آه بس حنتعلم منها كثير ولازم الواحد يتعب علشان يتعلم....والله المستعان بقه.....وان شاء الله نعمل اللى ربنا يقدرنا عليه وتيجى زى ما تيجى بقه
شكراا لكِ ...
أختك فى الله...نور الاسلام.

العفــــــو اخيتى نور الاسلام
احنا هنا اخوة وكلنا فى خدمة بعضنا البعض
ربنا يوفقك ويسهل امـــــــرك يارب
ابقى طمنينا ...
باتمنالك يا رب كل التفوق والنجاح
............................................

السلام عليكم لجميع الاعضاء المتواجدين
شخباركم انشالله بخير

انا عضوه جديده عندكم كنت اتصفح بقوقل باسم جامعه الاسكندريه دخلت اشوف شسالفه وطلع الموضوع حلو جدا
واذا دل على شي فانه يدل على ان الخير موجود والقلوب لحين على بعض
الله يوفق كل طالب وكل من عنده امتحان انشالله
وشكرا جدا لصاحب الفكره لانها تنقذ اعناق<<تأثرت

انا داخله بس مادري اذا موضوعي له صله بالمطروح بس اللي اعرفه ان عندي مشكله تختص بالجامعه وابي منكم تساعدوني ولاتردوني خايبه

انا طالبه طب اولى بالاردن وناويه احول على مصر انشالله على جامعه الاسكندريه
لكن كلما سألت كل شخص يفهمني الموضوع بطريقه تفر المخ وطبعا حالتي لايعلم بها الاربنا مخي مفرور مابي تضيع علي السنه ولاابي اخسر دراستي طلبي منك ابي معلومات عن الجامعه ساعاتها وشروطها والرسوم المستحقه واي شي تقدرون تخلونه خلوه لان اعرف ان الطلبه يوصلون الفكره اضبط من المسؤولين لاننا كطلبه عايشين الوضع والمأساه

سوري اذا طولت عليكم بس حسيتكم الامل الوحيد لاني لو بشوف الجامعه شخصيا يبي لي شهرين وابي اوصل الموضوع لبيتنا قبل عشان ارتاح
اتمنى تساعدوني
مشكورين مره ثانيه وسوري عالاطاله


ودمتم سالمين
مع تحياتي
اختكم الدنيا غداره

وعليكم السلام ورحمة الله
اهلا اختى الغالية...... نورتى الملتقى وتسلمى يا رب على الكلمات الحلووة
بالنسبة للطلاب الوافدين من الدول العربية فانا بجد معرفش الشروط او الرسوم...
اذا سمحتى بتنتظرنى يومين او ثلاث اسألك فى الجامعة
لانه عندنا فى الكلية طلبة كتير من الدول العربية... سواء من سوريا او فلسطين او السعودية وغيرهم
هاسألهم وهأسال كمان ادارة الجامعة باذن اللهبالنسبة لساعات الدراسة ... عدد سنوات الدراسة 6 سنين
اول سنة قد يمتد اليوم الدراسى الى حوالى 8 ساعات
وتانى وتالت سنة من 4 الى 6 او 7 ساعات..... 5 ايام فى الاسبوع
وبتكون الدراسة فى اول ثلاث سنوات نظرية
بالنسبة للثلاث سنوات الباقية فاليوم الجامعى فيها تقريبا بيبدأ من الثامنة صباحا
حتى الثانية بعد الظهر طوال الاسبوعلان الدراسة خلالهم عملية بالمستشفى
الى حد ما جيد
ان شاء الله اشوفلك باقى اسئلتك
وهاحاول اجيبهم فى اقرب وقت ممكن
خالص التحية

السلام عليكم ورحمه الله
يا اختي نور الاسلام ....التشريح عشان تزاكريه كويس ماتحفضيهوش
عشان تذاكري التشريح كويس ارسميه في دماغك
يعني مثلا لو بتذاكري عصب معين
تخيلي في دماغك الكورس بتاعه و eatins بتاعته
احفظيه في دماغك كانه ملف jpg مش ملف wd ههههههههه
صدقيني والله لسه بدري
انا بس عاوزك تقوليلي جدول الامتحانات و حاتبداء يوم ايه وان شاء الله احاول احطلك جدول تلحقي تذاكري و تخلصي بيه مرتين تلاته كمان
التشريح ده كله يتلم في اربع ايام صدقيني
ماتنسيش جدول الامتحان
و بالتوفيق للجميع ان شاء الله
اخوكم محمد

شكراا لك أخى محمد
وعندك حق فعلا التشريح محتاج تخييييييييييييل فعلا علشان ميتنساش
وان شاء الله لما الجدول ينزل حجيبوه لحضرتك وتحطلنا جدول بقه ان شاء الله
شكراا لكم جميعاا

سلام عليكم شخباركم يالدكاتره ...حلوه لما ينادونا دكاتره تحسون فيها رنه

هلا فيج دكتوره نوره وهذا من نورج وتسلمين والله ماتقصرين
ربي يوفقكم كلكم عندكم امتحانات ولا ماعندكم <<حسيت روحي عجووز

شخبارج نور الاسلام شمسويه انا شفت معاناتج مع الاناتومي قلت احط لج كم نصيحه اثناء الدراسه واحنا اتبعناها والحمدلله تسهلت عليناخصوصا في اللاب او العملي عشان حفظ اللي موجود
عشان سهوله الحفظ وويعتمد على الشخص نفسه بعد انج تصنفين
يعني مثلا احنا باللاب نصنف اطول وريد ولا اكبر عظمه يعني بهالاشيا لان بالعملي والنظري لاحظنا انها تكرر بالاسئله وعلى حسب الجامعه مادري بعد
بس دايما نحاول نخلي الاسم شبيه باسم شي قريب او لعبه او ايكلمه بالعربي تذكرج فيها او قريبه منها مو تخربين المعنى لا يعني اول ماتقولين الكلمه القريبه تذكرين على طول يعني مثلا الجمجمه لو تشوفين الفورامين تكون ورا بعض تقدرين تاخذين اول حرف لكل واحد وتسوينها كلمهعشان تتذكرينهم بالتتابع وانشالله يسهل عليج
وبالنسبه للنظري اعتبريها رحله وشوفي الصور وامشي معاها خصوصا لااوعيه الدمويه ترى مشيتج من الراس الى الرجل تسهل الحفظ
وطبعا مانسسى الاذكار والقران اكبر مساعد لنا
وبالتوفيق انشالله
وانشالله ماكون خبصت معلوماتج بس لان حاسه بحوسه الاناتومي والله يوفق الجميع


ودمتم سالمين
مع تحياتي
اختكم الدنيا غداره

السلام عليك اخي محمد اود ان استفسر عن التسجيل في كلية الطب البشرى بجامعة الاسكندرية لان لدي صديق من مصر يدرس بالسنة الخامسة السنة الاخيرة قبل الامتياز وقد نجح في مادة الاطفال وبقت له الباطنة و الجراحة في جامعة الفاتح بليبيا و يسأل عن امكانية التسجيل و معدلة مواده علما بأن لايستطيع المواصلة لارتفاع رسوم الكلية بالجامعة وشكرأ وارجو منك الرد

السلام عليكم
انا اسمي حسن من السعودية بس حاب اعرف منكم يااحبابي كم رسوم الجامعه وبكم الترم بالنسبه للطب قسم جراحة المخ ولاعصاب لاني حاولت ادور عن الرسوم في الموقع بس ماوجدتها فااتمنى انكم تساعدووني
ولكم مني خلاص الشكر