تجهيزات النفاس





النتائج 1 إلى 10 من 10

الموضوع: تجهيزات النفاس

  1. #1

    تجهيزات النفاس

    بنبدأ من الشهر التاسع يعني من التجهيزاااات



    اولا :لوازم شنطة المستشفى

    1- قميص الاستقبال ......كل وحده واللي تلبسه للاستقبال

    2- شبشب لك عشان تكشخين فيه

    3-شنطة صغيره ( مثل اللي نستخدمها للميك اب ) نحط فيها ...: منظف البشره -- كريم للوجه واليدين

    ---- عطر خفيف ----مشط شعر مع ربطه --- فرشة اسنان مع معجون ----مقص اظافر للحاجه

    ××××××××××××××××××××

    5- سنتيانات الرضاعه ......غيارات داخليه ......قميص قطني مريح للتغيير

    6- شاحن جوووال

    7- بطانه الرضاعه القطنيه اللي تنحط بالستيان .......كريم لتشقق الحلمات يالله يالله نبدا من الحين

    8-كاميرا فيديو و عادي -- شراريب --مرطب شفايف --فوط صحيه

    9- علبه فيها كمون ودارسين لانك ماتدرين متى اهلك بيجون

    لذلك هم يعطونك براد صغير مويه حطي فيها الكون والدارسين ......يرييييييحك مره

    اغراض البيبي

    بربتوزات

    بدل

    لفات

    بطانيه

    قبعه

    حفايظ

    واضيف من عندي .....مناديل تنظيف من تحت ....يفضل غير المعطره

    كريم للحفاظ ....فازلين او سودو كريم

    مصااااااااااصه للي ناويه تستخدمها بعدين ....يالله يالله يتعود

    رضاعه صغيييييره للحاجه


    هذي كلها للمستشفى ......والله يقومنا بالسلامه اجمعين


    الحين التجهيزات اللي بالبيت

    ثانيا : لوازم النفاس

    الشخصيه
    .........فوط صحيه

    حفاضات الصدر عشان ادرار الحليب

    ملابس داخليه قطنيه ......وبنطلون او شورت

    كريم تشققات الصدر .....وفازلين .....كريم ميبو رااااااائع للخيوط


    اغراض الحمام
    ......مره ....ارطا .....ملح خشن ......مطهر للمنطقه خفيف

    الاكل والشرب

    التمر ( تمر تشيلين منه النوى وتعجنينه وسمنه وشويه حبة البركه مطحونه وتقلبينه شوي على النار )

    المردود ( ...سكر نبات .. حبه البركه ....محلب ....يانسون ....شمر .........قرنفل )


    تجهزين نفسك بشوية اغراض مهمه

    .سمنه بريه زينه

    عسل طبيعي

    طحين بر من النوع الممتاز

    بيض بلدي اذا توفر

    حليب من النوع الممتاز ويكون منزوع الدسم افضل




    قائمة الممنوعات من الاكل والحركات

    بشكل مبسط ....يمنع الجوع منعا باتا وهذا متعارف عليه لدى الكل

    ممنوع الاكلات اللزجه ملوخيه وباميه البصل والشمام والبطيخ وبعضهم يمنعون الباذنجان والجريش لانهم يسببون غازات

    عدم شرب الماء بكثره ......هذي ماني متأكده منها ناس وناس على حسب الجسم

    ممنوووووووع المشروبات الغازيه والسكريات ولاااا تكثرين من الحلا عشان السكر وزيادة الوزن ويجيب الخمول للجسم

    ممنوع الحركه العنيفه وحمل الثقيل وصعود الدرج بكثره

    ممنوع المشي حافيه وخاصه على السيراميك ....والتعرض لتيارات الهواء والبرد

    ممنوع التنقع بكثره وان حصل فلا يزيد عن عشر دقائق

    العطس والكح

    ممنووووووووووووووووووووووع البخور بكل انواعه بالنفاس من تعطر وغيره ....( تمنع حتى الكبو لانه يدخل هوا ....)

    الجلوس بهدوء ورويه بدون عجله ويفضل وضع المخدات خلف الظهر وتحت الركب



    .. ما يفضل فعله في فترة النفاس

    اولا واهم شي انتم تدرون اننا مالنا صلاة والنفسيه خياااااااااااااااااااااااااااس .....فاحرصي اختي على تشغيل القران عندك ولو بصوت منخفض

    احرصي على الاستغفار طوووووول الوقت فهو يشرح القلب والصدر ويهون عليك

    الاذكااااار لاتنسينها طول الوقت ..والتسبيح والتهليل

    ثانيا لصحتك وصحة الجنين اذا صارت الساعه 9 .....افتحي الشباك وخلي الشمس تدخل عليك وعلى ولدك وخليها على جسمك شوي هذا مهمممم لصحة عظامك وعظام الجنين كما انه يعالج الصفاااار اللي يجي للاطفال

    خلي لك وقت الظهريه او العصريه تحطين لك زيت بشعرك ولا خلطه بجسمك (( هذا للي موب عجازات ))

    لاااااااااااااا تكثرين من التهوله والمظااااااهر وتكليف نفسك فوق طاقتها ...كل وحده واللي تقدر عليه (لايكلف الله نفسا الا وسعها ) اهم شي الاستقبال الحسن والبسمه الطيبه وقدمي اللي تقدرين عليه
    وكثر المظاهر يجيب لك التعب والموضوع ما يخلى وانتم سيد العارفين

    اذا تقدرين حطي لك غساله صغيييره ....حطيها بالحمام واغسلي غسيلك اول باول
    اريح لك .....اذا عندك شغاله تعتمدين عليها خير وبركه

    حااااولي تنامين بدري مع طفلك اريح لنفسيتك وجسمك


    نصااااااااااااااااائح ذهبيه للراحه البدنيه

    اذا كنت ممن يشكون الالم الكثي الزائد عن الحد فلا تترددين باخذ المسكنات من بندول وغيره

    استخدمي القربه او الكماده الساخنه لتخفيف المغص في البطن او من تحت تحطينها وتجلسين عليها
    او على اسفل ظهرك ......تريييييييحك مرررره

    افتحي الدش على الماء الدافئ واجعليه على صدرك مع التدليك الخفيف ....وذلك لتخفيف الالم وادرار الحليب .....واستخدمي كريم طبي لدهن الصدر لمنع تشقق الحلمات

    اذا احتقن الصدر والطفل نائم او غير جائع او رفض الرضاعه فالجئي للشفط لان احتقان الحليب يؤذي الصدر ويسبب ارتفاع الحراره

    لااااااااااااااااا تنسين اهمية شمس الصباح لك ولطفلك

    اذا توفر عندك احد يمسك الطفل فاستغلي الفتره لنوم عميق لتتعدل نفسيتك ويرتاح جسمك
    نجي لنظام الاكل


    الفطور ....( من 7 الى 10 )

    على الر يق ....تمره تؤخذ مع أي شي حار ...قهوة نفاس او حليب دافي
    بعد ساعه .....
    بعدين الفطور اللي يعجبك::

    مصابيب مع عسل

    عصيده او محلى او حنيني او فريك

    خبز بر مع عسل وبانكيك بر وحلاوه طحينيه لانها تدر الحليب بس لاتكثرين عشان السمنه

    الظهريه ......تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ )وممكن تخلطينهم لو حبيتي ..............تجنبي الميراميه لانها تنشف الحليب



    الغداء......

    مرقة اللحم ....مهمة جداا ترم العظم وتقوي الظهر وتدر الحليب ....يخلط معها شوي لهوم او حلب

    ممكن مطازيز او مرقوق او قرصان

    صحن سلطه خضرا

    ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
    طماطم.... وتاكلينه مع خبز بر....او شوية رز للي يموتون بالرز وما يستغنون عنه

    بس ابتعدي عن الممنوعات


    العصريه والمغربيه

    اشربي شاي الاعشاب

    اشربي عصيرات بس لاتكون بارده

    كولي فاكهه بس لا تقربين المحظورات

    ممكن قهوة قشر او قهوة مع نونخه وقرنفل مع تمر .................


    العشاء

    زي الفطور ......او اذا حابه شوربه من أي نوع مع سلطه وكاس حليب منزوع الدسم

    ممكن دجاج مشوي مع الشوربه .....

    ممكن حنيني او فريك .....اللي تشتهيه نف*********************



    المغاطس تجلسين بالمويه الدافيه مع الملح لمده لاتزيد عن 10 دقائق



    كل وحده ورغبتها
    [color=teal]
    الغسول .....






    اتمنى يعجبكم النظام وتستفيدون منه ..........ودمتم بالف صحه وعافيه

    منقول


  2. افتراضي

    موضوع مميز ومتكامل سلمت يداك

  3. #3

    افتراضي

    ربي يعطيك العافية اختي عصير افوكادوا

  4. #4

    افتراضي

    هلا فيكم ام زهير_امونه
    على مروركم الطيب..

  5. افتراضي

    طيب بالنسبة للباذنجان انا سمعت انه زين ويطلع الدم ..

  6. افتراضي

    موضوع ممتاز تشكرين عليه00

  7. افتراضي

    يعطيييييييييج الف عافيه

  8. #8

    افتراضي

    هلا فيكم حبايبي.....
    وبالنسبه للباذنجان ما اعتقد انه يطلع الدم معلومه خاطئه....

  9. #9

    افتراضي

    رائع وكامل ومتميز
    الف شكر لك

  10. #10

    افتراضي

    مرحبا بك عزيزي ايز ويشرفني حضورك...