مساعده ضروريه خااالص

انا في تالته طب المنصوره يا شباب


وعايز احول من الجامعه خالص

اروح اسكندريه مثلا

حد يرد عليا بقي ويقولي اروح ولا لا
بس من طب الاسكندريه علشان يبقي عن تجربه

ماشي.........وربنا يوفقكم

اهلا فيك
فيه الدكتورة نورا بامكانها تساعدك ان شاء الله

هلا اختى
فى وجهة نظرى جامعة المنصورة افضل بكثير من اسكندرية
وفيها تحفة رائعة من دكاترة الطب فى العالم العربي

يا اهــــــــلا بك اخى........شوف أخى انا فى اولى طب اسكندرية...وشهادة حق فيه دكاترة كتير كويسين وكل حاجة..اى نعم فيها عيوب كتير , بس انا معرفش نظام الكلية فى المنصورة ايه...انت اول حاجة تحدد انت فعلا مش مرتاح فى الكلية دى انت فى تالتة .... يعنى قضيت فيها سنتين قبل كدة واكيد عرفت فيهم عيوب ومزايا الكليةعشان اكون صادقة معاك مش هانصحك باسكندرية ..... لان فيه قبل اسكندرية طب عين شمس وطب طنطاودول فى نظرى افضل من اسكندرية...... طبعا دى مجرد وجهة نظرانا كنت عايزة اعرف بس ايه اللى فى طب المنصورة دفعك الى عدم الرغبة فى استكمال الدراسة فيها ..... اذا سمحت يعنىوقبل كل حاجة اعمل صلاة استخارة ... وقدامك الصيف كله باذن الله فكر فيه كويسعلى ما اظن انه مينفعش تحويل دلوقتى ......وربنا يوفقك يا رب للخير...... وييسرلك حالكمع خالص التحية

بسم الله الرحمن الرحيم
سلام عليكم
بص يا دكتور ....اخر جامعه تفكر تحول ليها هيا جامعه اسكندريه ...صدقني
طبعا اهلا بيك في اي وقت بس انا عاوز اقولك حاجه ....انا ليا اصحاب كتير في نفس الراوند كانو في جامعه عين شمس و حولو اسكندريه بعد سنه تانيه ..كلهم كانو بيجيبوا جيد جدا و افشل واحد فيهم كان بيجيب جيد ....لما جم هنا اللي كان بيجيب جيد جدا عدا السنه يدوبك بمقبول و الباقي كله شال مواد....ده لان النظام عندنا مختلف شويه عن اي كليه تانيه
انا رأيي تفضل في المنصوره ..بجد افضلك ...و لو فكرت في التحويل يبقي للقاهره ثم عين شمس
تفكر في القاهره الاول ....لان ده القصر العيني ....يعني افضل تمرين ممكن اي دكتور يشتغل فيه
و بعد كده عين شمس تفكر فيها ...لان اسم القصر العيني افضل و اسهل من عين شمس ...
ثانيا اللي متعرفوش ان الدكاتره في جامعه اسكندريه معقدين شويه ....و كان في عندنا من شهر تقريبا لجنه من منظمه الصحه العالميه عشان تراقب الجوده في الكليه و كان اول ملاحظه فيها هيا زياده العبء علي الطلبه في المناهج اكتر من اللازم...ده غير ان هنا اغلي اسعار كورسات كليه طب في مصر ........و انتا بتقول انك في تالته يبقي تروح القاهره افضل عشان تقضي الكلينيكال هناك ......
بس في الاخر ان عاوز اقولك حاجه .....و الله ما حاتفرق كتير صدقني ...هنا زي هناك
و نصيبك اللي كنت حاتخده هنا ...حايستناك هناك ...استهدي بالله و صلي ركعتين استخاره و سيب الموضوع ده للظروف و ركز بس في السنه اللي انتا فيها ....يمكن السنه دي ان شاء الله تجيب تقدير يخليك تفكر تاني ......
و بالتوفيق ان شاء الله

يا هلا اخونا ..حياك الله
الله يسر امرك اخي...
لا تنسى الاستخاره قبل اي خطوه...
متل ما قالولك...
وضلك متوكل على ربنا...
ما بتضيع اخي...
اتمنالك كل التوفيق
تحياتي

يارب تشوف الإجابة الكافية من كل طلاب مصر العزيزة على قلبنا..

ومثل ما قالت الدكتورة اسراء الإستخارة يا الغالي ..


تحياتي لك

وكل الشكر للي اعطو إجابات زي الدكتورة نورا و badwest


تحياتي

سي يو