استشارات طبية

اسأل طبيب

تسجيل/دخول

مواضيع طبية

قاموس طبي

حاسبات طبية

انا بعتت تحليل صوره دم والدكتوره هبه ردت عليا شكرا ليها...

رقم الاستشارة الطبية: 100325
تاريخ الاستشارة: 2 مايو 2024
أجوبة: 1 / مشاهدات: 43
زائر
انا بعتت تحليل صوره دم والدكتوره هبه ردت عليا شكرا ليها علي الرد دائما كان فيه انيميا نقص حديد وهي مزمنه عندي ولما باخد علاج الفيريتين والحديد بيزيد ولما اوقفه بينزل تاني رغم ان الهيموجلوبين معقول مش قليل بس اخر مره اخدت علاج شهرين ومفيش اي زياده في النسب للاسف والدكتوره هبه ردت عليا ان ممكن اعمل سونار علي البطن والحوض وتحليل ستوول وانا بالفعل عامله تحاليل ستوول شامله الميكروب الحلزوني والتهاب القولون التقرحي ودم البراز الخفي والنتيجه سلبيه وروحت اخيرا لدكتور امراض دم ومناعه وكتب فيروديونال شهر وطالب مني اشعه مقطعيه علي القولون وللاسف بالصبغه وانا مش حابه اعمل صبغه ومش ينفع من غيرها هل رأي الدكتوره اني ممكن اعمل سونار عادي وهيبين تفاصيل؟؟هل اكتفي بسونار ؟
20240430_231539.jpg
 
الجنس
أنثى
الحالة الاجتماعية
غير متزوج
العمر
42
الطول
160
الوزن
100
طبيعة العمل
لا اعمل حاليا اجازه
الحالة النفسية
متوسطه
أمراض مزمنة
خمول في الغده الدرقيه بسيط
أدوية مستخدمة
مؤخرا دواء للضغط وفيه ادويه للحديد وموسع للشعب ودواء للغده وفيتامين د
تشخيص الطبيب
خلل في الغده ونقص في الفيريتين وضغط مرتفع

Dr Hebaallah Ismail

استشاري طب اسرة بوزارة الصحه المصريه
الاشعه المطلوبه ليست سهله ومخترقه
invasive
يعني بيدخل منظار من الشرج ويصور تصوير باشعه مقطعيه بصبغه ومش بتتعمل عشوائي كده
ولو الدكتور بطلبه ده بيبحث عن سبب النقص المزمن للحديد فكان الاولي مراجعه طبيبه النساء ممكن يكون لديكي غزارة دم حيض بسبب لولب او بسبب ورم ليفي بالرحم مثلا
وطبعا يجب استبعاد افتقار طعامك الي الحديد واستبعاد وجود سوء امتصاص
ولو انتي ليس عندك شكوي جهاز هضمي وعملتي تحليل دم مخفي بالبراز وتحليل كالبروتكتين وجاءت النتيجه سليمه ومفيش تاريخ عائلي لوفاه بسبب سرطان القولون لا قدر الله
فانا لا اري حاجه لهذا الاجراء ويجب نمشي خطوه خطوة نعمل سونار ولو مفيش حاجه نعمل منظار قولون عادي او اشعه مقطعيه علي البطن عاديه ايضا
 
التعديل الأخير: