كيف اتغلب على غيرتي على زوجي
السلام عليكم ورحمة الله وبركاته ،
انا سيدة بحرينية عمري 21 سنة ، عقد قرآني عندما كان عمري 18 سنه ، زوجي شاب وسيم جدا ، والحمدلله اني وبشهادة الجميع (حلوه) ولكني اشوف نفسي ان جمالي بسيط والحمدلله ..
والحمدلله ان الله رزقنا بولد والحين عمره 13 شهراً .
سأروي لكم قصتي وابي منكم حل وارجو منكم ان تساعدوني وتشيلوني من الي انا فيه .:o
عندما كنت في بيت اهلي امي وابوي وايد حليوين بس في وقت الجد جد (بالنسبة لأبوي يدلعنه ولكن حزت مانغلط والا امي تشتكي علينه ما يقصر فينه ) اما بالنسبة لأمي رغم الظغوط الي عليها من تربية وشغل شفتين ودراستنه فكانت عصبية ونفس الوقت تضحك ولكن قليل بس امي ما كانت تعطينه الكلام الحلو مثلاً بنتي جميله والا بنتي حلوه او حبيبتي لا كانت دوم معانه جاده وهاي شي احس اهو سبب مشكلتي (( على فكرة بيتنا ما يقصرون علي كنت كل ما اطلب شي احصله ، طبعاً بعد دراسة ان الطلب هاي ما يضرني ..بالنسبة للنقال كنت احن عليهم وكانو رافضينه ولما تخرجت من الثانوية هدية نجاحي النقال )) . وكانو كل سنه يسفروني .. (طبعاً معاهم بدونهم نو وي )
المهم تكويني من اخواني وخواتي الوسطيه اختي الكبيرة اكبر مني 6 سنوات الي بعده اكبر مني 4 سنوات وبعدين ايي انا وبعدي اخوي اصغر مني 4 سنوات وايي اخوي الصغير اخر العنقود اصغر مني 12 سنه .
المهم انا نوعيتي وايد حساسه من الصغر وازعل على اصغر الاشياء فراح اقولكم موقف من المواقف الي صادتني وانا صغيرة مره من المرات امي كانت تبي تروح العيادة واهي كانت حامل في اول الاشهر وتبي تاخذ معاه خواتي الكبار فأنا كنت صغيرة وكنت اصيح ابي اروح معاهم وامي اتقول لا ، فأبوي قال حق امي اذا تبين تروحين يا ان اتودينهم ثلاثتهم او ما تودين ولا وحده فيهم ،فأمي قالت لا وقعدت اتصيح انه ما تبي توديني وقالت بارح ابروحي .
وبس بعدين مرت الايام كنت اشوف بيتنا يصيدون اختي ان عنده علاقة غرامية مع شخص ويطقونه وهلون وكنت اصيح ان اختي ليش تسوي هلون .. (بيتنا وايد محافظين لي درجة ان مستحيل انروح بيت ربوعنه ) وبعد فترة اشوف ان خواتي الثنتين صارو نوع الصديقات رغم ان الوسطية فترة كانت دوم معاي . فقلت اكيد فترة المراهقة اهي الي اجمعتهم فكان ذيك الفترة انا عمري 12 سنه فكنت احاول اقلدهم وابي اصير معاهم وكنت اشوف اي شاب بس ابي ان هاي الشاب يعجب فيني وطبعا ذيك الفترة انا كنت كلش مو حلوه وكنت ادق ارقام بالغلط واتكلم في التيلفون بس عشان اقلد خواتي وان يكون عندي حبيب . . صارت الايام ورحت المرحله الاعدادية وهناك تعرفون الشباب حزة الطلعه من المدرسة . . عاد بعدين في الرمحله الاعدادية كنت اغض التظر ما اطالع الشباب استحي وكانو بصراحة وايد الي يبون يتعرفون علي ويكونون معاي علاقة بس انا كنت ارفض وما اعطيهم وجه ولكن لفت نظري دب صغير ينحذف علي وفيه رقم بيجر ورقم تيلفون بيت وطبعا ما اجذب واقول ان الي حذف علي الدب ما كان لافت نظري بالعكس كنت انتظر حزت الي اطلع من المدرسة ومن البيت بس عشان اشوفه .. فتميت لمدة شهر ما اتصلت فيه ليما كان تاريخ 2-6-1997م اتصلت فيه وكلمته وحسيت ان هاي الشخص وايد جريب مني وقالي ان اليوم الي كلمته فيه كان يوم عيدميلاده ومرت الايام وطبعا اهو كان شاب كان يطلب مني اني اطلع معاه وكنت ارفض وطبعا بيتنا كانو ما يخلوني بروحي اشلون اطلع معاه بس انا مبدئي كان يرفض حتى لو كانت عندي فرصة ما اطلع ومرت السنين والايام كنت كل ما اطلع من البيت اشوفه جدامي ليل وصبح وظهر واذا ما اشوفه ارجع البيت مضايقة حدي .. واحس اني ما طلعت ,, :( ،، وبعدين كنت ازعل منه وكان يراضيني كنت لما اسافر الصيف ارجع الا اهو مسوي علاقه مع بنت والا هلون لما ارجع اكتشف وازعل منه يراضيني ويذبح روحه بس عشان ارجع له .. وكن احبه وارجع وبعدين يوم دخلت الثانوية كنت كل ما رجع من السفر يعترف لي ان اهو عرف فلانه وقبل لا يقولي يحلفني اني ما ازعل عليه هههه ..وفي المدرسة كانت اخته معاي بنفس المدرسة اهي اكبر مني بسنه .. احس ان اخته تحتر مني وتغير ولما كان ايي ياخذه من المدرسة كا يقولي تعالي ابي اكلمج كنت اروح له ولما دخلت الثانوية كنت اطلع معاه لما احصل فرصة اقول حق امي وديني المعهد وكنت استغفلهم واطلع معاه ،، حبيته وحسيت اني انا ابي اشوفه .. وبس والحين لما اذكر اني انا كنت استغفل بيتنا قلبي يعورني وبس مرة السنين ووصلت توجيهي اي اخر سنه في الثانوية كان حبيب القلب وعدني ان راح يتقدم لي اول ما اتخرج وانا في الثانوية في فبراير 2002 اتصلت امه في امي وقالت ان بيون يخطبوني في يوليو بعد ما اتخرج .. وبعدين يه شهر يوليو وتقدم لي وكان اهو على احر من جمر وكنت انا ميته وكان احلى يوم في حياتي يوم ملجتي وبس ومن هاي اليوم بدت قصتي مع الغيرة الي طول هالسنين الي كنت اعرفة كنت ما احس فيه ..
كنت اعرفه بالتيلفون شخص غير ولما ارتبطنه اكتشفت ان اهو شخص غير .. (( الحمدلله ان اهو يعرف ربه ومن يوم ما خذته يواضب على الصلاة )) لكن اهو غير بطبعه كان الشخص هاي في محيط عائلته مو رزين وثقيل كا وايد خفيف ،، ومرت مراقف وشفت ان اهو قاعد يزيد اولاً كنت اشوف امه تنادية بالكلام الحلو اشوف ان اهم يدلعون ويدللون ومسوين مكانه حق اختهم الوحيده اشوف ان مرة اخوه اتحط ريله على ريله اشوف ان لما ادخل امه اتيي واتلمه وتقوله كلام المفروض ما يسمعه من احد الا انا ، لاني ما سمعت هالكلام من احد غيره .. وهاي الصفات الي فيه اشوف ان اهوه عكس اخوه رزين وثقيل وما يتكلم وايد .. فكنت كل ما اشوفه استحمق ويبين على ويهي ليما حسو هله ان انا هلون وان انا حساسه وانا غيورة ولما يشوف بنت عمته صج ان اهي اكبر منه 15 -20 سنه بس يكون انا زوجتة واهي ما تحل عليه يحبه .. رغم ان بنت عمته حليوة .. اشوف ان امه وايد تعطيهم كلام حلو وقلبي يعورني .. يمكن ان انا انحرمت من هاي الشي لان انا امي مره وحده قالت لي ان انا جميله في يوم عرسي ( وعذر امي ان ما تبيني اشوف روحي وتالي اسوي حادث والا شي لا سمح الله عند امي ان الجمال يزل الي يتم جمال الروح) (انا اشوف ان الواحد ما يمدح اعياله وايد ونفس الوقت ما يحرمهم من الكلام الحلو عشان ما يدورونه برع البيت وخاصة البنات ) بعكس ام ريلي وايد تعطي اعياله الثقة ان اهم حلوين ووسيمين ) والله علي ان ام ريلي وايد زينه وايد حليوه معاي رغم ان اتصير مواقف بيني وبينه بعض الاحيان الا ان في المواقف العدله اهي ما تقصر واحسن منه ما ميش يوم ولادتي حق ولدي وفي الانفاس اتيني كل يوم في بيت امي واهل ريلي الله علي ان اهم حليوين تخيلو ان يوم وقبل ما اولد اهي نامت معاي في المستشفى وامي قالت ان اهي ما تقدر لان عنده اخوي الصغير وان ريلي اصغر اعياله عمرة 18 سنه .. بس الحين احس اني مو واثقة من جمالي ووايد اغير على ريلي والحمدلله اني الحين بعد 3 سنين من الزواج خفت اشوي تعودت على الوضع بس بعد احط في قلبي لان احس ان ريلي يتأثر بكلامهم الحلو ويصير عنده عادى امه تقوله انا اقوله ( صج ان شعور حب الام غير والزوجه غير ) بس انا احس هلون احسن ان فيني شي نفسي ما احبه يضحك مع اخته .. رغم ان اهي احين مزوجه ورغم ان قبل اهي تغير مني
احس ان امه تبي توطد علاقة الاخوان مع بعض وتبعد زوجي عني واتخليه اقرب له ولاخوانه واخته .. شعور يختلف ويتقلب من مو قف لآخر
وام ريلي اذا انروح نقعد معاه كله اطالع التيلفزيون واذا اعياله تشاهدهم وتساسر معاهم .. واحس ان اهي عميقة رغم طيبته ..
مرة من المرات ريلي لازم يروح الدوام وكان متأخر دقيقة .. يات اطق الباب يالله وينك ( اتعرفون يمكن يكون الريال عنده ظروف يكلم مرته ) وزعلت وقتله يني انا ما بقعده عشان يروح الدوام .
وايد تهتم في اعياله كأنهم ليحين اعزوب .. في اشياء انا كزوجه لازم اقوم بهم .. انا وايد متعلقة في ريلي لو تودوني جزيرة ابي اقعد معاه فيه وايد احبه .. ومن كثر حبي له حس ان اهو مل من غيرتي مل مني لي درجة اني لما ازعل اروح بيت هلي .. او انام مع ولدي في المستشفى احط في خاطري لما امه والا هله يقولون ان زوجي قايل ان اهو ما يقدر يرقد وولدي مو على السرير صج ولدي لازم يحبة بس انا بعد لازم يكن لي حب .. ابي ريلي يرجع نفس ما كان الحسن احس ان ما يغير على الا قليل .. ابيه يحبني واهو لاحظ ان اسلوب هلي غير رغم ان اهو وايد يحب امي الا انه يوم انا انام في المستشفى مع ولدي ثاني يوم امي ما اقدرت اتيي وامه يات .. تهاوش معاي في سالفة ثانيه .. انا اقول انا بروحي ظهري يعورني انت لازم اتيي من وقت لازم تحس فيني اهو يقولي انتي لزقه كله تبيني يمج وانتي حتى بيتكم ما يو لج المستشفى وهلون وهلون .. بصراحه انا وايد تحز في نفسي ..
صج ان تعبيري مو لي هناك بس والله اني اعاني .. ما احط يدي على عيني في اوقات ريلي احسن منه ما فيه بس في الاغلبية وايد يتأثر من هله ووايد يغلط على ابوي وامي عشان يقهرني
رغم على قولته ان اهو يحبهم وجدامهم يحترمهم وانا ما اغلط على امه ولا ابوه
زوجي حرمني من دراستي الجامعية لأن كان يغير علي .. وبيتنه ما كانو راضين على الزواج لان كانو يبوني ادخل الجامعه بس انا قلت لا انا ابية .. وخواتي جامعبات امي كانت كله اتقولي يودي شغلج تره محد بياخذج عندج ثانوية وايد كانت تقلل من قيمتي ولكن الحين الحمدلله راح اكمل دراستي الجامعيه من شهر فبراير وبرضه زوجي لان الغيرة طارت واحس اي اكيد ان الحب زال وصار عشرة عمر فقط .
بس والله ان ام زوجي وايد حليوه .. بس يمكن الي فيه اهون من غيرة والحمدلله .. بس بعد العيب مني .. ابي علاج حقي انا .
رد مع اقتباس