انا بنت عندي ٢٢ سنه غير متزوجه كان عندي نزيف لمده ٢٥ يوم...

انا بنت عندي ٢٢ سنه غير متزوجه كان عندي نزيف لمده ٢٥ يوم متتالي وتكرر النزيف كذا مره ودي كانت اخر مره فيهم وقبل كده استمر عندي لمده شهر بالكامل بس كميات الدم مكانتش كبيره روحت كشفت والدكتور عملي سونار وقالي ان مفيش حاجه وكنت عملت اشعه من قبل بس اشعه عاديه شبه السونار كده على الرحم وكان مفيش مشاكل بردو الدكتور طلب مني تحاليل ولقا ان كميه الدم اللي بتنزل مش مأثره عندي على الهيموجلوبين ولا فيه انيميا وطلب تحاليل اخرى للغده وهرمون اللبن وسيوله وقالي ان مفيهاش مشاكل وان ده مجرد اضطراب هرمونات وكتبلي سيكلو بروجينوفا لمده ٣ شهور من خامس يوم الدورة وكان عندي النزيف لسه اعطاني دواء ساڤيبليد لوقفه وخلصت علبه منه فتوقف الدم يومين وبدأ ينزل تاني ثم بدأت ف سيكلو بروجينوفا بالفعل عند اليوم الخامس وكان بيسببلي وجع في صدري ووجع في بطني وتجاهلته واستمريت ومع الحبايه العاشره نزلي بقعتين دم وبدأ ينزل نزيف تاني بيزيد كميه الدم تدريجي مع كل حبايه وانا حاليا باقيلي في اول علبه ٩ حبايات ف هل استمر فيه ام لا؟ وسؤال اخر انا عملت سيرش وعرفت ان الدوا ده بيتاخد لما بيكون فيه انقطاع فالطمث ونقص فالاستروجين وانا بالعكس كان عندي نزيف والدكتور معمليش اي تحاليل للاستروجين ولا البروجسترون عشان يشوف نسبهم ، ف مش من الممكن ان يكون لدي زياده فالاستروجين او البروجسترون وليس نقص فيهم والدواء ده يسببلي ضرر ؟ ولا انا تفكيري خطأ



ارجو الرد لان قلقانه جدا ومش عارفه اكمل ولا لأ وخايفه لقدر الله ده يسببلي مشاكل فالحمل مستقبلا او اي مشاكل اخرى وشكرا مقدما