تعب شديد في المعدة وأصوات غريبه عند التوتر

بقالي ٤ سنين بدأت اتعب جامد من معدتي و بحس كأن فيه حاجه بتاكل في معدتي كده وأصوات غريبه بشكل مستمر يالذات لما اعد مده لكن الموضوع بيبقي اخف وانا واقفه او ماشيه لما روحت ل كذا دكتور و عملت اشاعات علي كل حاجه كليه و كبد و تحاليل شامله وتحليل براز كامل و ميكروب حلزوني الاشاعات كلها سليمه و تحليل الميكروب الحلزوني سالب و البراز الكامل ظهر ان عندي اميبا اخدت كورس العلاج و اتحسنا وبعدها بفتره عملت تحاليل تاني علشان اتأكد ان راحت و طلعت راحت فعلا بس كان لسه فيه وجع خفيف ف سألت الدكتور العالجلي الاميبا قالي انها بتأثر شويه علي القولون وده تعب بيجي دايما بعد كورس العلاج بتاع الانيبا وساعتها مشيت علي دواء فتره بعدها برضو الموضوع مراحش ويمكن بدأ يزيد معايا واتوجع اكتر ان بقيت بحس ان التعب من بطني. ومن ناحيه القولون بحس كأن فيه فجوه كده وبتوجعني جدا وبحس ان فيه حاجه بتاكل في قولوني و بيطلع صوت جامد من نفس المكان الييوجعني بشكل لا إرادي وصوت عالي و ساعات بحس ان عندي غازات وممكن تطلع بشكل لاإرادي برضو من كتر ما بتتكون بشكل كبير

مع العلم اني بهتم ب نظامي الغذائي ان يكون صحي و لا اشرب اي انواع كافين "قهوه او نسكافيه" و لا مياه غازيه و اغلب الأوقات لما بتعب اوي من الموضوع ده بمشي فتره علي مسلوق بس و بمارس رياضه اغلب وقتي

في الاول اغلب الاستشارات قالولي ان ممكن الموضوع عصبي وكده بس الموضوع معايا بشكل مستمر مش لما بكون مضايقه او متوتره ،، اخدت ادويه كتير و مشيت علي انظمه اكل كتير و مفيش حاجه جايبه نتيجه التعب زي ماهو وفتره يكون عندي اسهال وفتره امساك