وجع مع حكة في العيون بعد تغيير النظارة

دكتور انا كنت حاطط نضارة نقص 1.5 , 1.5
بعد سنة رحت فحصت ماتغير شي.
بعد سنة ثانية رحت فحصت حكالي الدكتور 1.75 ب 2 حطيت نضارة جديدة بس ما ارتحت فيها صار فيه شوي وجع بالعيون ( مثل الحكة )

رجعت ع نفس الدكتور حكالي مالها علاقة النضارة وعطاني 3 قطرات DRYEX-OFNOLS-LOTEBRA

بعدها رحت لعند دكتور تاني قلي رجع النضارة 1.5 واستخدم قطرتين بس DRYEX-OFNOLS

ملاحظة : اول نضارة كانت بدون فلتر أما الثانية والثالثة مفلترة

انا استخدم الكمبيوتر كثير خاصة بهالاوقات (التعليم اونلاين)

الوجع الي بحس فيه مو الم بس حكة قوية يعني مثل بضيق خلقي بالنضارة

وصرت ما حطها بحس اريح (قبل ما كنت اشيلها ابداً)

وعن قرب بشوف عادي يعني استخدام الكتاب والجوال واللابتوب بدون نضارة

 

[Dr. Samar Essam]

ان كنت تقصد أن خلقك يضيق من النظارة الجديدة فهذا يدل على مشكلة بالعدسات.. فعندها انصحك بقياس النظر مرة أخرى و ذلك للتأكد مع الحرص على جعلها مفلترة حتى تحمي نظرك قليلا عند الجلوس فترات طويلة أمام الكومبيوتر.. و ان كنت تشعر بالحكة في عينيك حتى من دون استخدام النظارة فانصحك باستخدام القطارات الموصوفة من قبل الطبيب للترطيب.. مع إراحة العينين قليلا خلال اليوم و النوم و الراحة قدر كافي.. مع التمنيات بدوام الصحة والعافية