زوجي يكرهني




النتائج 1 إلى 19 من 19

الموضوع: زوجي يكرهني

  1. افتراضي زوجي يكرهني

    السلام عليكم

    انا متزوجة من 16 سنة وعندي 5 اولاد اخذت زوجي عن
    حب لكن بس من طرفي لانه فلسفته خذ اللي تحبك ولاتاخذ اللي تحبها وكان يعرف بنات وايد وبالاول رفضت يتقدم لي ولكنه
    جاب امه وتقدم واخوي رفض لما عرف انه يعرفني ولكني أصريت ووافقت رغم معارضة اخوي
    وعشت معاه في بيت اهله انا واهو وامه وابوه الله
    يرحمه ولما تزوجني كان يشتغل
    للفجر فطحت على تسجيلاته وانه يعرف متزوجات
    وبنات وغيرهم وصبرت وعطيته
    مهلة يبلغهم انه تزوج فبلغهم انه تزوج وحدة
    تقرب له وامه اجبرته وهم سكت ولكن
    كان احساسي مو مرتاح وبعد فترة حملت وكنت حاسه
    ان للحين يكلم وحدة معينة ولما اقوله احلف يحلف انه
    مايكلمها واني مريضه وهاذي اوهام لكن اللي مايعرفه
    انها كانت تدق وتقول لي على البيت وفي يوم رفسني
    وطيحني على السرير وانا اصلا كان معاي نزيف قليل
    بحملي فطاح الجنين عن 4 شهور المهم كملت معاه
    حياتي لاني انا اللي اخترته وملزومة اواصل وامه كانت
    تكرهني وتحب تخليني اغسل وانظف لهم

    وفي يوم اتصلت رفيجته وقالت لي انه مايحبني
    ويوم تزوجني كان عندها بالمستشفى وقال لها اني تحت
    نعالها ولا اسوى وانه كل يوم يجي عندها الدوام ...الخ
    ولما واجهته حلف بالمصحف انه مايكلمها واني جذابة
    واهي مااتصلت واهي عمرها ماتسوي جذي
    واني حاقدة لغاية ما عملت تسجيل لها واهي اللي متصلة
    وهم قال مااصدق واني انا
    جذابة وطبعا انا اشتغل بس اهو يوديني ويجيبني
    وكرت معاشي للحين عنده بس اول مايعطيني المعاش
    ويقول كله للبيت واليهال اما هالسنة عقب حنتي قام
    يعطيني الراتب بس هم اصرفه انا على البيت وطلبات
    العيال المهم ..ظنتي اني افتكيت منها بس بعدين
    طلعت غيرها
    ولنا تتمة

  2. #2
    تاريخ التسجيل
    Sep 2007
    الدولة
    السعوديهـ الحبيبة
    المشاركات
    222

    افتراضي

    أحزنني ماكتبت أخيتي الغالية أعانك الله على ما ابتلاك،،،وبصراحة مو من حقه زوجك يأخذ راتبك هذا الراتب من ممتلكاتك الشخصية ولا من حقه يضربك مهما كان الأمر سامحه الله وهداه ومن الواجب عليه نفقتك أنتي وعيالك
    إنا لله وإنا إليه راجعون أتمنى تلقي من يمد لك يد العون والمساعدة وأتمنى أنو تتصلين بشيخ يكلم زوجك ويفهمه
    والمفروض نآآس يكلمون أم زوجك والكره وبدون سبب أستغفر الله العلي العظيم بدون سبب تكرهك!!!! حقاً عجب عجاب...الله يصبرك

  3. #3
    تاريخ التسجيل
    Sep 2007
    الدولة
    السعوديهـ الحبيبة
    المشاركات
    222
    اقتباس المشاركة الأصلية كتبت بواسطة زهور عمري مشاهدة المشاركة
    أحزنني ماكتبت أخيتي الغالية أعانك الله على ما ابتلاك،،،وبصراحة مو من حقه زوجك يأخذ راتبك هذا الراتب من ممتلكاتك الشخصية ولا من حقه يضربك مهما كان الأمر سامحه الله وهداه ومن الواجب عليه نفقتك أنتي وعيالك
    إنا لله وإنا إليه راجعون أتمنى تلقي من يمد لك يد العون والمساعدة وأتمنى أنو تتصلين بشيخ يكلم زوجك ويفهمه
    والمفروض نآآس يكلمون أم زوجك والكره وبدون سبب أستغفر الله العلي العظيم بدون سبب تكرهك!!!! حقاً عجب عجاب...الله يصبرك
    تمنياتي لكي بحياة زوجية سعيدة يارب

  4. افتراضي

    اختي انا عندي حل ..

    اولا : تخلصي من اوهامك وبما ان زوجك حلف لك خلاص لا تفكرين مره ثانية انه يكلم غيرك ..
    ثانيا : ادعي الله في كل صلاة ان يقربكم من بعض وانه يوفقك وتعيشون في سعادة اكثر ..
    ثالثاً : بالنسبة لامه احتسبي الاجر والمثوبة من الله وان شاء الله ان الله بيعوضك في الاخره ..

    ويارب يوفقك وتعيشين اجمل حياة في الكون ..

  5. افتراضي

    كل الشكر لكم
    وبما انه كان فيه تجاوب اكمل القصة

    استمرت حياتنا وبعد سنتين في بيت اهله طلعت بشقة وجاني عيال وطفل
    معاق تأخر نمو فأخذت اجازة امومة سنتين وتوليت امر البيت والاطفال
    بدون شغالة وزوجي كان يشتغل الصبح وبعد الظهر فتح له مشروع صغير
    مع صاحبه وكله مجابله لغاية الساعة عشر وانا بروحي مع اليهال بالشقة
    وبما اني ماعندي سيارة فكله بالبيت ووقتها ماكان فيه موبايلات بس بياجر
    وانا مااعرف لهم ولكن تشاء الصدف انه بيوم رن وهو نايم الجمعه الصبح
    فأخذته اشوف منو والا ترد علي وحدة فليبينية تتكلم انجليزي والحمدلله اني اعرف
    انجليزي عدل فكلمتها وقالت انه رفيجها boy friend يعني ماخلصنا
    طبعا طبعي اسكت بهدوء لعدة ايام لما اتاكد وبعدين اواجهه فسكت وكنت اشيك
    بين فترة وثانية على الجهاز والرقم يتكرر وبعدين واجهته وانا اعرفه ليه كان
    غلطان يصرخ ويهاوش ويطلع وانها جذابة ومن هالشركات اللي يدقون
    المهم كل هذا ماله داعي لاني ماراح اتركه عشان العيال لانا احنا عشنا
    بدون اب لانفصالهم وما احب عيالي يحسون بالحرمان اللي ظنيت اني بالقاه
    عند زوجي وللاسف اثري كنت اخيط سراب .
    وكان همي اوصله رسالة انا هني ماقصرت بشي وحتى ملابس للعيد ان ماكان
    عنده ماكنت اضغط عليه واصبر لانه تحمل اهلي وايد وخاصة طلبات الوالد
    لفلوس وكان يعطيه عشان جذيه انا اامنه على معاشي واخليه عنده كرد دين لاني
    ما احب جميله من احد لوكان زوجي وقبل 3 سنوات طلب اخذ سلفة عشرة
    الاف وخذتها وعطيته كل الفلوس بغى يشتغل بالبورصه وللاسف ليس كل مايتمناه
    المرء يدركه
    المهم مرت حياتنا وبعد السنتين اجازة صادف انه بنتي البكرية بتدخل الروضة
    فقال شو تبين سيارة لانج لازم تسوقين انا مااقدر اوديها واجيبها فقلت مو ضروري
    جديدة جيب مستعمل فاشترى لي سيارة صغيرة ومستعملة وسقتها ورجعت دوامي
    في هالفترة ظهرت المشاكل مرة ثانية مع ظهور الموبايل
    طبعا انا ماعندي موبايل وهو عنده وكان الموبايل يرن ونادر جدا لما ارد
    يتسكر بوجهي ومايقول مين ؟ وفي يوم وبعد شهر حصل نفس الشي فقال
    انها زوجة صاحبه منذ الطفولة وانا اعرفها زين واعرفه من تزوجت زوجي واعرف انها
    تمر بمشاكل مع زوجها واهي مو مقصرة وقايلة للكل لكن ليش تقفل السماعة بوجهي
    فرد بانها ماتبيني اعرف بمشاكلهم ؟ كيف؟ وانا اعرف كل شي ومنها وطبعا اهي
    كشخة وتلبس قصير ومكياج وانا زوجي حجبني اول ماخذاني وكله عباية لدرجة
    انه هويروح السوق ويشتري لي ملابس حتى لوماتعجبني بس الحمدلله اني
    في البيت معودته على الجينزات والبلايز مو الدراريع واهي كانت تقول لي ليش
    تحجبتي طلعي سفور وماعليج منه فكنت ارد عليها باني شارية زوجي ومعلش
    وطبعا زوجي وصديقه اكبر مني بـ3سنوات واهي اكبر منهم بشهر المهم
    قال لي بروح تحت اكلمها ما تبيني اكلمها يمج ؟تصوروا معقولة
    سكت وقلت له بامان الله
    وبعد فترة لما شفت السالفة امصخت قلت له لا تكلمها واهم مشاكل دووم
    يعني انا 10 سنين معاك ما قط شكيتك لزوجها او اهلك يعني انت ترضى
    ادق عليه بالساعات واسمع كلامه الحنين فرد باني مريضه وشكاكة
    ومافيها شي وما بينه وبينها شي واني مريضة فقلت له ليه كلام الحق يصير مرض
    خلاص الحين بكلم زوجها واقوله يبعدها عني فقام ضربني وقال لي انتي طالق
    وخرج من الشقة
    ما يرضى اتدخل بشي شايفه حقي ابدي راي فيه والله ياجماعة عيالي كلهم عمليات قيصرية
    يوديني المستشفى ويروح ويجيني العصر اكون خرجت من العملية ويقعد ربع ساعة
    ويطلع لانه مايحب المستشفيات 5 ايام انا جذيه ولايدق علي او يسال اهو كلهم جذيه
    والا بس حظي ومع هذا اموووووت فيه ودايما اغفر له

    اكمل والالالالالالالالالا

  6. افتراضي

    اكمل

  7. افتراضي

    المهم حياتي معاه علمتني ان اصادق عدوي لاعلم اخباره
    فدست على الامي وقمت ادق عليها بين فترة وثانية واهي
    ماتقصر بثانية تقول كل شي عن زوجها بس ابدا ما قالت
    انها تدق على زوجي وبمرة قلت ترى فلانة احنا حريم
    ونعرف بعض فاذا مضايقة من زوجك كلميني فضفضي
    وانا اكلم زوجي يكلمه ويعقله
    مو عشانكم عشان عيالكم فقالت انه ريل اخته يدق
    عليها يحاول يصلحهم وانه اخته تصوري تغار وتهاوشت
    معاها ومع زوجها عشان كلمها فقلت فلانة بصراحة صح
    مايصير وماكو وحدة ترضى بجذي انتي عليج
    بالمرة واهي توصل المعلومة لزوجها وهم ما قلتلها علشان
    ما احرج زوجي او نفسي وهم ما قالت
    واهو كل يوم والثاني عندهم ليش احاول اصلحهم مع
    بعض المرة حاطة جواسيس يراقبون زوجها واهي
    قايلة لي بس ما قلت له واهو طايح له وليه قلت له كافي عاد
    جابلني انا وعيالك حل مشاكلنا وبعدين حل مشاكل الناس
    عصب وانتي مريضه انا مونذل احط عيني على مرة اخوي
    رفيج العمر واعرفها من يوم اهو يعرفها وكله تكلمني واهم
    الاثنين يثقون فيني بصراحة للحين أشك بنفسي معقولة
    هالشي عادي واني فعلا مريضة ؟ ما ادري ابي ردكم بكل
    صراحة؟
    المهم خلال هالفترة احنا رجعنا نعيش في بيتهم لان
    عمي مرض وهو ولدهم الوحيد وبعد ماكان الدور مؤجر
    وفيه درج منفصل عن البيت بس قعدنا فيه خالتي والف
    سيف الا الدرج ينشال وننزل ونصعد من الدرج الرئيسي
    واهو امي معلش رغم اني كنت رافضة الانتقال لاني اعرف
    شنو بيصير ؟
    بعد فترة انتقلت حماتي عندنا مع عيالها لان طلع لها
    بيت وبتأثثه واهي عندنا وهنا الطامة الكبرى
    طبعا اهي خوش مرة بس ماتدري عن عيالها وولدها
    كان عمره 13 وبناتي 6 و5 سنوات وجبت انا
    خدامة وحماتي 2 وخالتي 1 المهم انا اخذ عيالي كل
    مكان معانا جذيه احساس لكن هاليوم وقت عيد وزوجي
    رفض ياخذ الثلاث البنتين والولد رغم معارضتي اخليهم
    بروحهم مع اهله والخدم وبنات عمتهم 15 و14 سنة
    ووحدة 7 سنين والثانية 4 سنين وولد 13 سنة
    ورحنا شرينا وقلبي قارصني بسرعة خل نرد البيت طبعا
    رجعنا قلبي مقموت وهدوء ما ادري ركضت فوق
    شفت عيالي ما ادري شفيني مضايقة حيل ناديت الخادمة
    ها شنو صار عينج على اليهال ما تركتيهم قالت ماكوشي
    اروح بنتي تخزني وساكتة رجعت ناديت الخادمة فيه شي
    قالت لا ماما وبعدين جت وقالت :ماما انا ادري انج حاسة
    فيه شي وصح لما طلعتوا ولد ماما تحت ياخذ انتي 2 بنية
    ويسكر باب ديوانية واحنا يسمع صراخ بعدين يفتح باب
    وماما عودة وماما ثاني يهاوش ويقول لحد يقول حق
    ماما ترى راح تضربكم وانتوا يهال وتلعبون
    دخلت وقلبي مطعون لبنتي ماما شنو صار في شي
    ساكتة لا ما فيه واهي طبعها ما تتكلم كلمتها ماتقول
    رحت للثانية ودخلتها غرفة ثانية فيه شي قولي ماتقول
    ماما قولي مل تقول قلت والله ان ماقلتي بضربكم
    جيبي الولاعة ولما شافت الصج قالت عمتي قالت
    لاتقولون لامكم فلان سكر باب الديوانية وفصخ
    ملابسه وقال ياالله نلعب لعبة زوج وزوجة وخلا اختي
    تنام على الارض وهو فوقها ولما جا عندي صرخت
    وسمعوني وفجوا الباب وقالوا لاتقولون لاحد

    اكمل بعد ترى قلبي ينبض انا مسحت هالذكرى من مخي
    والحين رديتوها باوجاعها بروحه صار معاي جلطة
    بالدماغ ومو قاصرة اكمل بيوووووووووووووووم ثاني

    بس ردوا علي بالحق وصج اني مريضة
    وشكاكة وبعد في قصص وروايات

    التعديل الأخير تم بواسطة سجينة الهموم ; 02-24-2009 الساعة 12:19 AM

  8. افتراضي

    التكملة ان شاء الله غدا
    التعديل الأخير تم بواسطة سجينة الهموم ; 02-24-2009 الساعة 12:17 AM

  9. افتراضي

    نكمل الناقص
    على العموم صرخت من حرتي وجاني ابوهم وقلت له
    فصعدت خالتي وحماتي
    وهي تقول ماكو شي لعب يهال
    وهو للحين مابلغ عادي ...وانا اقول حرام عليج

    عندج بنات ترضين هالشي ...ليش ماتقولون الحق هذا
    شرفكم انتوا بناتكم انتوا
    عيب عيب حسبي الله ...
    طبعا قلت له طلعني من هالسجن ما رضى ماكو طلعة
    عيل حط لي باب وينقفل
    والولد مايصعد عندي فوق ولا
    بناتي ينزلون بوجوده..قال اوكي وفعلا حط باب

    والصبح اقفل عليهم ولا رجعت من الدوام انا معاهم
    وما اتركهم وطبعا كملت
    الحياة وشوي الدنيا تعطيني
    طراق من صوب خالتي وساعة من صوب زوجي

    شوي مكالمات الصبح شالسالفة وحدة مطلقة وتبي
    يسوي حق بنتها ...

    وعادت حليمة لعادتها... تهقون افتك ...محال
    قلت اكمل دراستي منازل ووعدني يجيبلي مدرسين وطبعا
    لاني ادرس اليهال
    والدوام ماقدرت وتراجعت وباخر اسبوع
    درست بروحي وانا ادرس كنت اطبخ
    الغدا والعشا لاحظوا
    امتحانات ثانوية عامة ومنازل وبدون مدرسين وبس

    مراشد وبدون مدرسة وبروحي واطبخ واقعد للفجر
    ادرس واذكر بامتحان العربي
    قعدت ابجي المهم ...
    انتهت الامتحانات وبرحمة ربي جبت نسبة 85%
    وقبلوني
    بالجامعة المهم صادف رمضان وحلوا لي
    المشكلة :

    الدوام مدير قال روحي محاضراتج وداومي بساعات
    الفراغ .. والبيت قالوا بنساعدج
    بس اللي صار

    كنت اداوم دوام واروح محاضرات الجامعة وارجع
    البيت اطبخ لان خالتي ماترضى تاكل
    من ايد الخادمة
    ولا زوجي وادرس اليهال واروح المكتبة اسوي ابحاث
    واسوي لعيالي
    ابحاث تقديم على البوربوينت ومناقصات
    للدوام وماتصير الساعة 12 الا نبي السحور
    يعني مايمديني
    ادرس الا الساعة واحدة الفجر ....يرضيكم اللي قاعد
    يصير ...بصراحة
    لومايساعدون أبرك ...

    طبعا انسحبت من الجامعة وظليت ادرس اليهال وكانوا
    ددوم من الاوائل ومتفوقين
    وكانت جدتهم وقت النتائج
    تنتظر عند الباب وتسال ها جم جبتوا ؟ فاللي يقول 98
    واللي
    95 واللي 96 وما سمعناها واحنا صاعدين الا وهي
    تصارخ بصوت عالي اشمعنا
    عيال فلانة اهي تشتغل وتطبخ
    وتجابل الصغار وعيالها متفوقين وانا بنتي اللي ماعندها


    شي عيالها ساقطين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    التعديل الأخير تم بواسطة سجينة الهموم ; 02-27-2009 الساعة 08:17 PM

  10. #10
    تاريخ التسجيل
    May 2008
    الدولة
    بلاد الاسلام
    المشاركات
    1,507
    مقالات المدونة
    29

    افتراضي

    أختي الغالية ان شاء الله لي عودة
    بس حبيت احييك على شجاعتك و اللي مبين انك
    مراة عاقلة ورزينة ما شاء الله
    وما نستطيع ابدا ان ننكر ان الواحد لما يكون
    في و سط المشاكل اللي بتخصو ما بيقدر يحكم
    عليها بموضوعية متل ما يقدر يعمل شخص من خارج هالمشاكل و الزحام
    وان شاء الله خاصة مع تفاصيل اللي عطيتينا ياها
    ان شاالله نقدر نساعدك
    بس اهم شي الصبر..واصبري علي يا الغلا
    بارك الله فيك و لك علي أن أدعو لك ان شاء الله
    التعديل الأخير تم بواسطة آمال نبيلة ; 09-04-2009 الساعة 02:13 PM

  11. افتراضي

    الله يسلمج ونكمل الموضوع....

    طبعا مرة صاحبه او صديق العمر قبل ماتتطلق من زوجها
    اتصلت فيني وقالت لي زوجج مايقول لي اخبار عن زوجي بس
    انا خليت واحد يجيب اخباره وبقولج انهم لما سافروا
    ل (احدى الدول العربية) خربطوا مع حريم وزجك بعد مع
    زوجي يعني قال انا ناقصة بصراحة انفجرت من داخلي حسيت
    بموت لكن انتظرته لغاية ما اجى وبلغته وقلت له بس قول
    الصج صح اللي صار فرد انها جذابة ومحترة وبس ريلها
    اللي سوى جذي وابتدينا ومرة يقول اي بس كنت مو بوعي
    بصراحة زوجي ماينعرف له.
    على العموم هم استمرينا شلون وكييف حكمة ربكم
    طبعا واحنا في بيت اهله جبت خدامتين بعد ذهاب الاولى
    طبعا وحدة للعيال والثانية جبتها من فلوسي لامه اللي
    رفضت تجيب وطبعا وحدة ماتكفي وكان عندهم سايق
    وما بغاه عمي الله يرحمه فخذيته عشان يجيب اليهال
    وشريت سيارة جديدة له طبعا خالتي كله طالعة بالسيارة
    والا مطرشته لبيت حماتي يوديهم ويجيبهم وما ترضى تعطيه
    حتى فلوس البنزين - وبصراحة حتى انا قمت اعاند طقت جبدي
    اما الخدامة فانا ادفع لها كرت تلفون وملابس داخلية وملابس
    طلعة ومعجون وغيره وغيره وحتى الطبيب واهي بس تعطيها
    معاشها 35 دينار ولما اقول لها ساعدي الخدامة فوق وطبعا
    الطباخ والنفاخ كله عندي تقول ماما ماترضى قلت ليش
    انا جايبتج وانا اصرف عليج تقول ماما ماترضى
    وتقول اذا انا رحت اهي بتجيب ثانية وماتخليها تصعد
    عندكم وطبعا اي خالتي لما ماعندي خدامة ماتخلي
    خدامتها تنظف لي ولما يكون عندي خدامة تزفها وتكرفها
    من الصبح لغاية 12 الظهر وبرجعتي من الدوام القى البيت
    فوق وسخ ليش ما اقدر كله انا تحت وليه قلت له مايصير
    جذي يقول امي
    غصبا عليها تخدم عندها لا ومرة جرات خدامتها تمد ايدها
    علي ومرة تطق بنتي وهي صغيرة من الدرج وتشق
    عند حواجبها ومرة دزت نفس البنت على مشبك الغسيل
    وسوينا عملية بعينها بس الله يمهل ولايهمل قبل سفرها
    الخدامة المسلمة طاحت وتعورت على حواجبها نفس المكان
    اللي عورت بنتي وهم عملنا لها خياطة وانا اللي موديتها
    المستشفى اعالجها المهم كل هالالام بقلبي تاكلني وتعصرني
    المهم بعد ذهاب خدمي ما جبت خدامة والحين صار لي 5
    سنوات بدون خدامة لان خالتي مو راضية تجيب خدامة
    ولايكون تلوموني نفس خواتي اذا هاذي ظروفي
    وانا اعمل مع الخدامة تبوني اجيب وحدة يعاملونها
    احسن مني عفيا قولوا
    وخلصنا من الخدم فرت على السايق شوفي طبعا
    قالت لي انا مافيني حيل اطبخ تبينه انتي تطبخين له
    والا ودوه انا ماابيه

    طبعا بنات حماتي الحين يسوقون وعندها من يوديها
    ويجيبها بس والله ما رديتها قلت لزوجي ماابيه
    وبعت السيارة

    واستمرت الحياة بس شوفو شلون اقعد اليهال
    البس اغسل يروحون الدوام مع ابوهم اودي
    المعاقة المدرسة اداوم اطلع الساعة 11ونص
    اجيب المعاقة واخذها البيت للحمام والبسها
    واخم واغسل واصلي واركض لليهال اخذهم
    حتى طفلي الصغير قبل مايدخل الروضة
    اخذه معاي الدوام وهو بعمر 4 شهور والحين
    بالروضة اقعدهم ويروحون مع ابوهم وانا اكنس
    واغسل الحمامات والمطبخ واقعد ولدي الصغير والبسه
    والبس واوديه الروضة واروح الدوام واطلع 11ونص
    واخذ البنت المعاقة وبعدين نروح الروضة نجيب اخوها
    ونرجع البيت افصخهم والبسهم وحط الهدوم بالغسالة
    وساعات اطبخ بعد واسبح واصلي واركض فيهم للمدارس
    نجيب اليهال ونرجع هم اجابل الغسالة والتدريس والشغل
    اللي ناقص ..
    وطبعا اللي ماتعرفونه انه قبل 3 سنين من الحين بيوم
    وانا بالدوام حسيت بثقل بفمي ومالي خلق اكلم احد
    مو عادتي لاني بالدوام اضحك واسولف عشان انسى
    همي ماعدا هاليوم ودق زوجي يبيني اروح اعمل
    له توكيل لشغل له فقلت له تعبانه يا فلان قال
    معلش اهي 5 دقايق طبعا جا ورحت معاه وبالدرب
    كله ساكته اقول له احس احد معطيني ابرة بنج بلساني
    اشفيني ؟ والحمدلله بالدرب دق على الشركة وقالوا
    ماله داعي تجيب احد فقال يا الله ارجعج الدوام
    قلت له ودني البيت تعبانة قال خلاص اخذي سيارتج
    والحقيني طبعا لحقته للبيت وحطيت راسي ونمت
    سمعته يقول لي انا بروح اودي امي بيت اختي وما اهتميت
    لاني تعبانة وماقعدت الا الساعة 5 على صوت التليفون
    وولدى يقول لخالته امي تعبانة ونايمة فقمت وانا ثقيلة
    واخترعت اشفيج قلت ماادري لساني ثقيل ومخدر
    وريلي اليمين وايدي فقالت لبسي وروحي الطبيب
    الحين اخاف سكري والا بيي اوديج ووين زوجك
    قلت لها طالع
    المهم رحت تحممت وقلت لولدي بقفل عليكم وروح
    الطبيب وارجع ولما رحت الدكتور بس سمعني
    وشافني قال الحين بطلب لج سيارة اسعاف للمستشفى
    قلت لا عيالي بالبيت قافلة عليهم مااقدر خلني ارجع
    وزوجي يوديني بعدين
    فقال بس ضروري اليوم وبسرعة -بصراحة خوفني
    فطلعت بالتحويل واتصلت على زوجي فلان وينك
    قال انا بالسوق مع زوج اختي قلت له تعال بسرعة
    الطبيب حولني للمستشفى يقول اعراض جلطة
    فقال خلاص نطريني لما اخلص واجي اخذج
    رحت البيت جهزت اليهال والخدار يزيد وما جاني اتصلت
    قال بعدنا بالسوق تدرين اخذي اليهال بيت اختي ونطريني
    اجيلج طبعا ماصدقت كلامه كالعادة فخذت اليهال وديتهم
    وانا اقرا قران وخذيت ولدي ورحت المستشفى وولدي يقول
    يما ليش تسوقين شوي شوي قلتله يما رجلي ثقيلة
    حيل ما احس فيها ربكم ستر وصلت المستشفى وظليت فيها
    لغاية الساعة 10 ابلليل وزوجي للحينها ما جا
    والساعة 11 رخصوني والسبب اعراض جلطة بس
    ماعندنا دليل رجعي بيتكم ولين خدرتي كلج تعالي
    وبطلعتي زوجي توه واصل
    المهم ظليت اعرج 3 ايام وبعدها رجع لي عوار الراس
    فحولوني مستشفى وعملوا لي رنين واكتشفوا
    جلطة بالدماغ
    بس ترى انا مااخذ الدوا وصار فيني بعدها تسارع
    بدقات القلب فقالوا صمام ميترالي وهم والله ما
    اخذ الدوا الا هاليومين رجع لي الخدار بفمي
    وبس يومين خذيت اسبرين وطبعا حتى الطبيب
    ما اروح لمراجعاتي - وصار معاي ظاهرة الرسغ
    العصبي والحالة سيفير شديدة على قولة الدكاترة
    واحتاج عملية قبل مرور 6 شهور والا ايدي
    اليمين بتعيب وهم ماسويت العملية والعوار
    زايد هالايام والخدار من كف ايدي وصل للكوع
    والله يستر وفوق هذا كله اشتغل ولما اتذمر تعبت
    حرام عليكم حتى اليهود يحنون علي لو شافوا
    حالي يرد ويقول
    عذبتينا الله يعذبج زهقتينا حياتنا
    اقوله طلقني وما ابي شي وخل عيالك عندك
    او عطني اياهم اللي تبيه
    لايرحم ولا يخلي رحمة ربي تحل فيني

    بصراحة

    ابي اموووووووووووت
    واللي هاد حيلي
    البنت المعاقة
    واستغفر الله
    ساعات اقول يا ربي انا قاعدة بالجحيم
    فلا تدخلني نارك كافي علي
    جحيم الارض
    قولوا شنو اسوييييييييييييييييييييييييييييييييي
    وكل الحريم يحن عليهم ويحاول يحل مشاكلهم
    مع ازواجهم وانا مايشوفنيييييييييييي
    وبعد سوالف هال16 سنة
    شنو بعدها




    التعديل الأخير تم بواسطة سجينة الهموم ; 02-28-2009 الساعة 11:41 PM

  12. افتراضي

    اختي الله يكون في عونك.
    بصراحة اللي مثل زوجك حتى الغيرة ماعنده على بناته يوم ولد اخته تحرش على بنتك
    لاتزعلي مني إنتي مومقطوعة من شجرة ولاجاهلة وماعندك فلوس إنتي موظفة
    ومن كلامك أحس إنك كويتية والقانون مع المرأة الكويتية
    أحسن تطلقي منه وربي عيالك وربنا راح يطرح البركة فيهم مثل ماهم متفوقين.
    وبعدين ليه ماتروحي عند دكتور مخ وأعصاب في عيادة خاصة والطبيب اللي طلعك من المشفى يوم حسيتي بالجلطة هذا موطبيب هذا ماعنده رحمه.
    حبيبتي إنتي شكلك تحبي تعذيب نفسك وإلا شالمصبرك على زوجك.
    اولادك إن كبروا وأبوهم كذا راح يقلدونه.
    ونصيحة عندك مركز حل لمشاكل المتزوجين وعندك شيء مهم إسمه صلاة الإستخارة.
    الله يكون في عونك.

  13. افتراضي

    الله يعينك

  14. افتراضي

    اقتباس المشاركة الأصلية كتبت بواسطة pretty soul مشاهدة المشاركة
    اختي الله يكون في عونك.
    بصراحة اللي مثل زوجك حتى الغيرة ماعنده على بناته يوم ولد اخته تحرش على بنتك
    لاتزعلي مني إنتي مومقطوعة من شجرة ولاجاهلة وماعندك فلوس إنتي موظفة
    ومن كلامك أحس إنك كويتية والقانون مع المرأة الكويتية
    أحسن تطلقي منه وربي عيالك وربنا راح يطرح البركة فيهم مثل ماهم متفوقين.
    وبعدين ليه ماتروحي عند دكتور مخ وأعصاب في عيادة خاصة والطبيب اللي طلعك من المشفى يوم حسيتي بالجلطة هذا موطبيب هذا ماعنده رحمه.
    حبيبتي إنتي شكلك تحبي تعذيب نفسك وإلا شالمصبرك على زوجك.
    اولادك إن كبروا وأبوهم كذا راح يقلدونه.
    ونصيحة عندك مركز حل لمشاكل المتزوجين وعندك شيء مهم إسمه صلاة الإستخارة.
    الله يكون في عونك.
    بصراحة وعيت بالدنيا عليه هو اللي علمني الحب
    وسجني بدوامة نفسي ومن كثر حبي بان ابين لاهلي ان
    اختياري صح خلاني اكمل واكمل وتعلق عيالي
    بابوهم مانعني احرمهم منه مثل ماصار فينا واحنا
    صغار بعدين صارت سالفة استسلام وبعدين يأس موصل
    لاحباط لغاية ماصارت الامراض ملاذي للهروب
    من هالحياة بدون ضياع العيال وبشرج ترى عيالي نفسه
    وليه كلمتهم نفسهم معاي خايسة اقولها اشرايج
    اعطيج النعال وطقيني تبتسم؟؟؟؟؟؟؟؟؟

  15. افتراضي

    ما أقول يا أختي غير الله يكون في عونك.

  16. #16
    تاريخ التسجيل
    Mar 2009
    الدولة
    احلى بلدان الكويت
    المشاركات
    1

    افتراضي

    أولا السلام عليكم حبيت اضم صوتي لصوت أختي بريتي سولو وفعلا روحك حلوه كفاك عذاب بنفسك الانسان يقدر يتحمل كل شي الا الاهانه انسان متسلط وانت بصراحه وبدون زعل سجينه برضى نفسك وكأنك تحبين تعيشين الدور كل يوم أعتقد المفروض توقفين وتستعرضين شريط افكارك وسوي جدول صغير حطي مساوة وحسنات ولا تدعين عشر الصفات وحكمي عقلج انت اللى تتألم وترى الطلاق بعض المرات نعمه لج ولعيالك مو شرط استمراره اهو الاستقرار الايجابي لاطفالج عفو اختى متعتج الشخصيه اهم وعيالج بعد وقت بيلتمسون الوضع ويتفهمونه . وانت وكيفك انا عندي مبدأ بالحياه احب الناس كلهم واتفهم معاناتهم بس احب نفسي اولا والانسان يعيش مره واحده لا طولين بتفكير اعتقد احلى سنين عمرك راحت هدر لا ضيعين الباجي هالانسان عمره ماراح يتغير ................. وشكرا

  17. #17
    تاريخ التسجيل
    Oct 2007
    الدولة
    K.S.A
    المشاركات
    893
    مقالات المدونة
    2

    افتراضي

    شوفي بما انكـ موظفه اش اللي يجبركـ تعيشي معه؟؟

    إنسان مثل كيذا ارميه بالزباله..عفواً..

  18. #18
    تاريخ التسجيل
    Sep 2006
    الدولة
    بيت الشيوخ اهلي وعزتي
    المشاركات
    890

    افتراضي

    اختي الحبيبه لعل وعسى صبرك مرارا وتكرارا تؤجري عليه يكرمك الله في اخلاقه معك بس صابري واصبري
    وعساااه صبرك على هالرجال وبنتك التعبانه كفاره لذنوبك
    واصبري ما بعد العسر الا اليسر ودوام الحال من المحاااااااااال
    ما في شي يقعد على حاله

    وكلمي زوجك مره اثنين ثلاث ابكي ابكي للرجال خله يحس بدموعك قولي له الله يخليك حس فيني انا تعبت انا مريضه
    عيالك من يتحملهم بعدي
    اتق الله فيني الدنيا لك وبكره عليك وادعي اخر الله وابكي بالدعاء قولي يالله يا مصلح الحال حنن قلب زوجي عليه
    وثبتني بقلبه وارفع عني يا الله

    وان ما فاااد بتاتا البته
    دخلي ابوك او اخوك ورحي بيت اهلك بعيالك ترى الرجال السنع لا بغى المره ما يفرط فيها لو ايش بس اللي يتحجج هو اللي يفرط بالمره وما يكتب الله بينهم ذيك الساعه تدري الوحده بنوع مثل هالرجال
    اسأل الله يشفيك ويعافيك ويرفع عنك ويخليلك عيالك ويشف بنتك وينصرك
    ويحنن قلب زوجك عليك امييين يارب

  19. افتراضي

    ياقلبي زوجك يحبببببببببببببببببببببببببببببببببببببببببببببببك والله
    بس المشكله انك غيوره حييييل عليه وكذا يتضايق زوجك
    ويبعد عنك خليك طبيعيه في غيرتك عليه
    وهتمي في صحتك بيتك وزوجك في حاجتك
    وام زوجك كثير تغار منك لانك أمراه ناجحه في تربية اولادك واشياء كثير انتي عارفتها
    بس ماعليك فيها طنشيها ولا كانها موجودها في حياتك وزجك الله يخليك لاعاد تساليه عن علاقته مع الحريم لانه كثير رياجيل لهم علاقات
    بس ادعيله كل يوم انه ربي يهديه لك ويكره في الحرام
    والله يشفيك ويخليك لاولادك لانك ام بمعنى الكلمه وعلى فكر انتي رووووووووووعه انا حبيتك في الله والله انتي من جد تنحبي
    اختك نوف القرشي
    التعديل الأخير تم بواسطة نوف السعد ; 08-01-2009 الساعة 04:53 AM