بتكلم مع حالي كتير وبتخيل اشخاص قدامي\وعندي عصبية زايدة عن الحد\بكزب كتير\بليز بدي حل لاني بفكر بالانتحار باي لحظة:(




النتائج 1 إلى 4 من 4

الموضوع: بتكلم مع حالي كتير وبتخيل اشخاص قدامي\وعندي عصبية زايدة عن الحد\بكزب كتير\بليز بدي حل لاني بفكر بالانتحار باي لحظة:(

  1. افتراضي بتكلم مع حالي كتير وبتخيل اشخاص قدامي\وعندي عصبية زايدة عن الحد\بكزب كتير\بليز بدي حل لاني بفكر بالانتحار باي لحظة:(

    مرحبا
    يمكن مشاكلي كتار
    بس صدقوني انه المشاكل الجسدية بتهون تماما قدام المشاكل النفسية
    لانه هالمشاكل بتدمر الجسم تماما وبيعيش الواحد برعب وتفكير ووساوس

    المشكلة الاولى:
    انا بطبعي بنت خجولة رغم اني بقدر اتعامل مع ناس قدامي بس حسب الوجه وملامحه
    يعني في ناس ملامحهم بتعطي راحة للشخص الي مقابيله فبقدر احكي واتناقش بس بيضل في خجل
    وفي كتير مواقف بصير وجهي احمروصوتي بيروح وبصير يقطعوبهالحالة بصير احكي بصوت عالي حتى اخبي خوفي ومايبين علي اني خجلانة اومرعوبة
    وهالمواقف بتصير معي اما وقت المقابلات وهاد الشي بيزعجني لاني بعطي انطباع خطأ للمدير
    ولما اتعامل مع موظين الشركة متلا نفس الحالة
    وفي ناس بتقول عني مغرورة لاني باغلب المرات مابتعامل مع حد وبجاوب على قد السؤال
    مع اني بكون خجلانة ومرعوبة مش مغرورة
    ومرات بحب الناس يحكوا عني اني مغرورة ولا يقولوا عني خويفة او مابحب اتعامل مع حد
    ومرات بتخيل انه الناس عم بتطلع علي وتحكي وتعلق وهالشي بيضايقني
    ماتحكوا اني بتخيل بس فعلا بيضل يعقلوا يمكن لاني مابحكي مع حد ووجهي في ملامح عصبية او غضب
    في اغلب الاوقات الناس بيقولولي مالك معصبة؟
    مع اني بكون عادية بس خلص هيك طبعي شو اعمل صعب علي كتير اني ابتسم بحس الابتسامة مو مناسبة على وجهي
    ولما اضحك بضحك ضحكة كتير بسيطة ويادوب صوتي يطلع
    وبتشاطر في البيت يعني بطلع كل طاقتي في البيت
    مابحكي غير الله يعين اهلي علي
    وعفكرة يا جماعة..عندي غرور وماعندي
    كيف بدي فسرها
    يعني مرات بقول انا احلى من هالبنت بس بقنع بحالي اني مش مغرورة بالعكس طيبة وهاد باعتراف كتير ناس تقربت منهم
    يعني تفكيري حيجنني يعني تفكيري شي والواقع شي تاني
    بفكر بشي وللاسف بحكي بلسان تاني
    نفسي يكون الي بقلبي على لساني
    يعني ماكزب حالي ومااكزب على الناس
    بدي كون صادقة مع نفسي قبل ماكون صادقة مع غيري


    طيب يا دكاترة شو بتصنفوا هالحالة؟
    ياترى هي رهاب اجتماعي ؟اني بخاف اتعامل مع الناس؟
    مع اني صدقوني في كتير مرات بحكي عآدي ولا كانه في شي



    المشكلة التانية:
    يمكن هالمشكلة الها دخل بالمشكلة الاولى
    لاني يمكن مابتعامل مع الناس كتير فلما ارجع للبيت بعد دوام او شي شغلة بصير اتخيل ناس قدامي وبحكي معهم
    وغير هيك وهي المصيبة اني بحب الفت الانظار باي شكل من الاشكال
    يعني مستعدة اني اعمل مشكلة كبيرة قدام الخلق مشان الفت الانظار الي
    بس بما اني مابقدر اعمل هالشي بالواقع فبغرفتي الخاصة بصير اتخيل ناس مهمين او اي شي(يعني يمكن اتخيل ناس ماشفتهم قدامي بس شفتهم بال tv) وبتخيل انه بصير معنا قصص وروايات وانه الناس عم بتطلع علينا والفت نظر الناس علي وخصوصا اني بحب الناس تشفق علي
    وغير هيك اني ياما كزبت على الناس بقصص وروايات مش حقيقية ونصها خرافية بس مشان الفت الانتباه متلا قلت مرة لناس تعرفت عليهم عن طريق النت انه ابوي ميت والفت قصص وقصص وكل هاد مشان يشفقوا علي
    يمكن ماتصدقوني بس بجد بحس راحتي وفرحتي ونشوتي وكل شي هي هالطريقة
    يعني لو قلي حد بطلي هالاشياء بمر بحالة اكتئاب فظيعة
    يعني هاي هي متنفسي والي بيخليني استمر بالحياة




    المشكلة التالتة:
    عصبيتي الزايدة عن الحد
    اي شي بسيط بيقهرني على طول بصرخ وبتختفي جميع ملامح الخجل والادب الي فيني
    يعني لو صار شي غاظني قدام العالم والناس بصرخ عادي مابيهمني لاني مابستحمل ابدا شوف قدامي شي غلط او شي بيغيظ
    متلا لو شفت قدامي حرمة غلطت بحرمة تانية فلازم اتدخل واقول انتي غلطتي ويمكن اصرخ واعصب
    يمكن هالشي مابيفرق معي بس عصبيتي بتوصل لحد اهلي واخواني فهاي المصيبة الكبيرة
    لاني بصرخ دايما بوجه امي والوالد وبستحي على حالي وبعرف اني غلطانة بس مابعرف صارت شغلة الصياح مش بايدي بالمرة كانها طالعة عن ارادتي
    لاني مرات بكسر الاشياء الي قدامي لو حد غلط فيني يعني مابستحمل
    وبعدين لما اهدأ بعرف حالي اني غلطت بحقهم وهالشي مجنني تماما
    ومرات كبريائي مابسمحلي اني ارجع اعتذر
    بعرف هاي حقارة مني بس كانه شيطان وراكبني وقتها



    المشكلة الرابعة:
    ماعندي ثقة بالنفس
    مع اني مغرورة بس ماعندي ثقة بحالي
    يعني دايما بشم ريحة ملابسي لما حد يطلع علي بقول اكيد فيني شي غلط حتى لو ولد صغير نظر علي نظرة بقول شو صاير
    مع اني بحب الصغار وبعشقهم بس مرات مابعرف كيف اتعامل مع الصغار الي بيضربوا
    متلا طفل صغير اجى ضربني شو اعمل؟بستحي وبتكركب وبقول بحالي اضربه او اسكت او اقتله وارتاح


    المشكلة الخامسة:
    عندي خمول مش طبيعي بطلت ساعد امي في الدار
    دايما نايمة وكسولة حتى نظافتي الشخصية مابهتم فيها كتير من كتر الكسل
    اغلب الوقت نايمة وزي ماقلت قبل اني بنام اغلب الصبح وبسهر بالليل
    فامي منجنة مني




    معلش ازا ميلتوا مني
    بس حالتي وكرهتها وهاي اول مرة بحياتي بكتب الي بصير معي او احكيه لاي شخص لانه اهلي بحد ذاتهم مابيعرفوا شو الي عم بصير معي
    مع انه مرت فترة بعدت فيها عن اهلي فضليت ابكي اسبوع كامل وتعبت نفسيتي واكتئبت اكتئاب كبير ووقتها حكيت لاهلي بدي روح عن دكتور نفساني فالاهل مارفضوا الفكرة بالعكس قالولي روحي بس انا خفت اروح


    فالله يخليكن ماتهملوني لاني ياما فكرت بالانتحار بس برجع وبقول حرام ويمكن الخوف الي بمنعني اكتر
    بحتقر حالي تماما لانه الناس بتفكرني شي وانا غير شي
    كارهة حالي ومستغربة من حالي كيف قدرت اكتب كل هاد
    طلعت مخبية كتير بقلبي وانا مو عارفة
    وهاد ماثر علي كتير وخصوصا وقت النوم
    لاني بنام الصبح وبسهر بالليل وبطبق المشكلةرقم 2
    ونومي متلخبط من زمان مرت علي فترة باخد فيها منومات بس الحمدالله تركتها
    ومابفكر الا وقت النوم وهاد الي مجنني اكتر
    بتمنى مرات اموت وارتاح مشان بس اتخلص من التفكير
    والله عم بحكي وانا خجلانة من حالي
    لانه هالشي اكيد مابيسر لا عدو ولا صديق

    اكيد حتقولوا واضح انك مريضة نفسيا وشعرة بتصيري قريبة من الجنون


    بس بقلكم اني وانا كنت صغيرة ماكان في شي احسن مني صوتي مابيطلع على الاهل
    صحيح اني خجولة بس كنت عادي اتعامل مع الناس
    فبقول وقتها اكيد في جني راكبني
    بجد بفكر بهالوقت اني اروح عند شيخ يقرا علي قرآن يمكن تتحسن حالتي


    ملاحظة:
    قرات موضوع بخصوص كيف بتعرف اذا راكبك شيطان او محسود او شي
    ولقيت انه كل هالمشاكل الي حكيتلكن عنها هي كلها موجودة في الموضوع
    يعني طلعت كل هالمشاكل بسبب الجني الي فيني
    والله ماعم بكزب عليكم
    العصبية
    الغرور
    عدم الثقة
    الكسل والخمول
    لفت الانتباه
    عدم طاعة الوالدين
    الكزب
    كلها من علامات انه في جني في جسم الواحد
    وهالشي طمني وريح بالي
    انه يمكن في يوم من الايام اتخلص من كل هالاشياء بس بقراءة القرآن
    علما اني بصلي بس مابركز في صلاتي وبقرا قرآن بس مش دايما
    بس نفس المشكلة اني مابركز وقت القراءة كمان

    شو رايكم انتوا؟؟؟؟

  2. افتراضي

    الله يعينك اختي
    وزي ماقلتي مرات المرض النفسي اله تأثير اكبر من المرض الجسدي
    وان شاء الله حد من اطباء الطب النفسي يردوا عليكِ
    بس برأيي انه فعلا بتحتاجِ انك تروحي لشيخ يقرأ عليكِ قرآن
    ومادام بتحكي انه قرأتِ مواضيع والي بصير معكي نفس الي بصير مع حد فيه جن
    فبنصحك تروحي فورا عند شيخ
    يمكن ماتستفيدي شي بس في نفس الوقت ماراح تخسري شي
    والله يشفيك ويشفي جميع مرضى المسلمين

  3. افتراضي

    مشكور اخي على المرور والدعاء
    وانا فعلا ناوية اروح عند شيخ يقرا علي قران
    وبليز تنقلوا الموضوع لقسم الاستشارات النفسية والاجتماعية
    لاني ماكنت بعرف انه في قسم متل هيك

  4. افتراضي

    وبليز تنقلوا الموضوع لقسم الاستشارات النفسية والاجتماعية
    لاني ماكنت بعرف انه في قسم متل هيك